Read Ariun Bible 2013 – Ариун Библи 2013 Дуулал 21 Bible Online

Дуулал 21 - Ariun Bible 2013 – Ариун Библи 2013 bible

Дуулал 21

¹Удирдаачид. Давидын дуулал. ЭЗЭН, Таны хүчинд хаан баясах болно, Таны авралд тэр юутай их баярлана вэ!

²Та түүнд зүрхнийх нь хүслийг өгсөн бөгөөд Уруулынх нь гуйлтад татгалзаагүй. Села

³Учир нь Та түүнийг Сайны ерөөлөөр угтан авдаг. Та шижир алтан титмийг Толгойд нь өмсгөдөг.

⁴Тэр Танаас амь гуйсанд Та түүнд мөнхийн мөнхөд Урт удаан насыг өгсөн юм.

⁵Алдар нь Таны авралаар дамжаад агуу их юм. Та түүний дээр алдар, Сүр хүчийг өмсгөсөн.

⁶Учир нь Та түүнийг Мөнхөд ерөөлтэй болгодог. Та түүнийг Өөрийнхөө оршихуйд Баяр баясгалантай болгодог.

⁷Учир нь хаан ЭЗЭНд түшдэг бөгөөд Хамгийн Дээд Нэгэний Хайр энэрлээр тэр ганхахгүй.

⁸Чиний гар бүх дайснаа олно. Чиний баруун гар Чамайг үзэн ядагчдыг олж илрүүлэх болно.

⁹Чи уурласан үедээ тэднийг Галтай зуух мэт болгоно. ЭЗЭН уур хилэн дотроо тэднийг залгиж, Гал тэднийг шатаана.

¹⁰Чи тэдний үрийг дэлхийгээс, Удмынхныг нь хүний хөвгүүдийн дундаас устгана.

¹¹Хэдийгээр тэд Таны эсрэг Хорон мууг санаархаж, Башир явуулга зохиовч Тэд амжилтад хүрэхгүй.

¹²Учир нь Та тэднийг Нуруугаа харуулахад хүргэх болно Та тэдний нүүр өөд Сумаа онилон бэлэн болгоно.

¹³Хүч чадлаараа, ЭЗЭН, Та өргөмжлөгдөх болтугай! Бид Таны сүр хүчийг Дуулан магтах болно.