Read Ariun Bible 2013 – Ариун Библи 2013 Дуулал 22 Bible Online

Дуулал 22 - Ariun Bible 2013 – Ариун Библи 2013 bible

Дуулал 22

¹Удирдаачид. Аиелет Хашшахар дээр. Давидын дуулал. Бурхан минь, Бурхан минь, Юунд Та намайг орхисон бэ? Миний ёолох дуу, авралаас минь Юунд Та хол байна вэ?

²Бурхан минь ээ, би өдрөөр хашхирдаг ч Та хариулдаггүй Шөнөөр бас хашхирдаг ч Надад хариу алга.

³Гэвч Израилийн магтаал дунд сэнтийд залрагч аа, Та ариун юм.

⁴Эцэг өвгөд маань Танд итгэсэн Тэд итгэсэн бөгөөд Та тэднийг аварсан.

⁵Тэд Тан уруу хашхирч, аврагдаж байв. Тэд Танд итгэсэн бөгөөд ичгүүрт унасангүй.

⁶Харин би өт, хүн биш! Би хүмүүсийн буруушаал болж Ард олонд жигшигдсэн юм.

⁷Намайг хардаг бүхэн Намайг тохуурхан инээдэг Тэд уруулаа нээж, толгой сэгсрэн

⁸“Тэр өөрийгөө ЭЗЭНд даатгасан Тэр түүнийг авраг! Тэр Түүнд баярладаг тул түүнийг авраг!” гэж байна.

⁹Гэсэн ч Та намайг эхийн хэвлийгээс гаргасан Тэр мөн Эхийнхээ хөхөөр байх үед Та намайг итгүүлсэн.

¹⁰Би төрөхөөсөө Танд даатгагдсан Эхийнхээ хэвлийд байх үеэс минь Та миний Бурхан байсан.

¹¹Зовлон шаналан ойрхон Туслагч ганц ч алга тул Надаас бүү холдооч.

¹²Олон үхэр намайг хүрээлжээ. Башаны хүчтэнүүд намайг бүсэлжээ.

¹³Хуу татахаар архиран байгаа арслан шиг Тэд над уруу амаа том ангайлган байна.

¹⁴Намайг ус шиг асгасан бөгөөд Бүх яс минь мултарсан. Зүрх минь лааны тос адил Дотор минь хайлсан.

¹⁵Хүч[13] минь шаазангийн хэлтэрхий шиг хатаж, Хэл минь түүшиндээ наалдав Та намайг үхлийн шороонд тавьжээ.

¹⁶Учир нь, намайг ноход хүрээлжээ.[14] Ёрын мууг үйлдэгчдийн бүлэглэл Намайг бүсэлжээ. Тэд гар, хөлийг минь нэвт хатгалаа.

¹⁷Би бүх ясаа тоолж чадна. Тэд харж, над уруу гөлрөн ширтэнэ.

¹⁸Тэд гадуур хувцсыг минь дундаа хувааж, Хувцасны минь төлөө шодму.

¹⁹Харин, ЭЗЭН, Та бүү холдооч Миний хүч чадал аа, надад туслахаар хурдлаач.

²⁰Сэтгэлийг минь илднээс, Ганц амийг минь нохойн эрхшээлээс авраач.

²¹Намайг арслангийн амнаас авраач. Зэрлэг үхрийн эврээс аварч, Надад хариу өгөөч.

²²Таны нэрийг би Ах дүүстээ хэлэх болно. Чуулган дунд би Таныг магтах болно.

²³ЭЗЭНээс эмээгчид ээ, Түүнийг магт. Иаковын үр удам болох та бүгд Түүнийг алдаршуул. Израилийн үр удам болох та бүгд Түүнийг хүндэтгэ.

²⁴Учир нь, Тэр зовогсдын зовлонг Жигшээ ч үгүй, үзэн ядаа ч үгүй. Тэр нүүрээ түүнээс нуугаа ч үгүй. Харин тусламж гуйн түүнийг хашхирахад Тэр сонссон юм.

²⁵Их чуулганы дунд магтаал минь Танаас ирдэг. Түүнээс эмээгчдийн өмнө Би тангаргаа биелүүлнэ.

²⁶Ядуу нэгэн идэж, цадна. ЭЗЭНийг эрэн хайгчид Түүнийг магтах болно. Та нарын зүрх мөнхөд амьд байх болтугай!

²⁷Газрын бүх зах хязгаар ЭЗЭНийг санаж, Түүн уруу эргэх болно Улс үндэстнүүдийн бүх ураг Таны өмнө хүндэтгэн мөргөнө.

²⁸Учир нь хаанчлал нь ЭЗЭНийх Тэрээр улс үндэстнүүдийг захирдаг.

²⁹Дэлхийн бүх хүн мэхийн хүндэтгэх болно Чинээлэг нь ч, иддэгүүд ч Шороон доор орогчид ч, Амь үл хадгалагчид бүгд Өмнө нь сөгдөнө.

³⁰Үр удмууд Түүнд зарагдах болно Эзэний тухай ирэх үеүдэд яригдах болно.

³¹Тэд ирж, Тэр үүнийг үйлдсэн гэдгийг, Ирээдүйд төрөх хүмүүст Зөв шударгыг нь зарлах болно.