Read Ariun Bible 2013 – Ариун Библи 2013 Дуулал 27 Bible Online

Дуулал 27 - Ariun Bible 2013 – Ариун Библи 2013 bible

Дуулал 27

¹Давидын дуулал. ЭЗЭН миний гэрэл хийгээд Аврал минь болой. Хэнээс би эмээх юм бэ? ЭЗЭН миний амийн хамгаалалт болой. Хэнээс би айх юм?

²Миний өстөн ба дайснууд, Ёрын мууг үйлдэгчид Бие махбодыг минь цөлмөхөөр над уруу ирвэл Бүдэрч унацгаах ажгуу.

³Хуаран цэрэг намайг бүслэвч Зүрх минь үл айнам.[17] Миний эсрэг дайн дэгдэвч, Энэ бүгдийн дунд би итгэлтэй байнам.

⁴ЭЗЭНээс миний гуйсан, эрэх ганцхан зүйл гэвэл ЭЗЭНий гоо сайхныг харж, сүмд нь бясалган, Амьдралынхаа бүхий л өдрүүдэд ЭЗЭНий өргөөнд суух явдал.

⁵Учир нь зовлонгийн өдөр Тэр намайг асартаа далдлах болно. Майхныхаа нуувчинд намайг нуух болно. Тэр намайг өндөр хадан дээр гаргана.

⁶Тэгэхэд миний тэргүүн тойрсон дайснуудын маань дээгүүр өргөмжлөгдөж, Би Түүний майханд баяр хөөртэйгөөр тахил өргөнө. ЭЗЭНд би эгшиглүүлэнхэн дуулна.

⁷Сонсооч ЭЗЭН, Дуу хоолойгоороо би хашхирнам, Намайг нигүүлсээч, надад хариулаач!

⁸“Миний царайг эрэн хайцгаа!” гэхэд Зүрх минь Танд “ЭЗЭН, царайг тань би эрж хайюу” гэв.

⁹Царайгаа надаас бүү нуугаач, Зарцаа хилэндээ бүү орхиоч! Тусламж минь Та байсаар ирсэн, Бүү хаяач, бүү орхиоч, намайг, Авралын минь Бурхан!

¹⁰Эцэг, эх минь намайг орхиход, ЭЗЭН харин намайг авна.

¹¹ЭЗЭН, замаа надад зааж, Дайснуудын минь учир Намайг тэгш жимээр удирдаач!

¹²Хүчирхийллийн амьсгал гаргагчид болон Худал гэрчлэгчид миний эсрэг боссон тул Намайг өстөнгүүдийн минь Шуналд бүү даатгаач.

¹³ЭЗЭНий сайн сайхныг Амьдын газарт харна гэж би итгэсэн.

¹⁴ЭЗЭНийг хүсэн хүлээгтүн! Тууштай байж, зүрхээ зоригжуулагтун! Тийм ээ, ЭЗЭНийг хүсэн хүлээгтүн!