Read Ariun Bible 2013 – Ариун Библи 2013 Дуулал 30 Bible Online

Дуулал 30 - Ariun Bible 2013 – Ариун Библи 2013 bible

Дуулал 30

¹ЭЗЭНий өргөөг зориулан өргөх дуу. Давидаас. ЭЗЭН, Та намайг дээшээ өргөсөн учир Дайснууд минь надаас болж баярлаагүй билээ. Таныг би өргөмжилнөм.

²Бурхан ЭЗЭН минь, Би тусламж гуйн Тан уруу хашхирсан бөгөөд Та намайг эдгээсэн.

³ЭЗЭН, Та амийг минь Үхэгсдийн орноос татан гаргасан. Намайг нүх уруу уруудуулахгүйн тулд Та намайг амьд үлдээсэн.

⁴Түүний ариун хүмүүс ээ, Та нар ЭЗЭНд магтаалыг дуулж, Ариун нэрд нь талархал өргөгтүн!

⁵Түүний хилэн агшин зуурынх, Таалал ивээл нь насан туршийнх. Шөнөд уйлаан байж болох ч, Өглөөд баярын уухай ирдэг.

⁶Харин би амарлингуй байдалдаа “Би хэзээ ч ганхахгүй” гэв.

⁷Тааллаараа, өө ЭЗЭН, Та намайг уул мэт бат тогтоосон. Та нүүрээ нуухад би тэвдсэн.

⁸ЭЗЭН, Тан уруу би хашхирч, Эзэнд би гуйлтыг өргөсөн.

⁹“Би нүх уруу уруудваас Цус минь ямар ашигтай вэ? Тоос шороо Таныг магтах уу? Таны итгэмжийг тэр нь тунхаглах уу?

¹⁰Сонсооч ЭЗЭН, намайг нигүүлсээч! Туслагч минь байгаач, ЭЗЭН!”

¹¹Уй гашууг минь Та Бүжиг болгож эргүүлсэн. Та тааран хувцсыг минь тайлан Баяр хөөрийг надад бүслүүлсэн.

¹²Ингэсэн нь би дуугүй байлгүй Сэтгэлээрээ Танд магтаалыг Дуулахын тулд болой Бурхан ЭЗЭН минь, Танд би мөнхөд талархана.