Read Ariun Bible 2013 – Ариун Библи 2013 Дуулал 34 Bible Online

Дуулал 34 - Ariun Bible 2013 – Ариун Библи 2013 bible

Дуулал 34

¹Абимелехийн өмнө галзуурсан дүр үзүүлж, хөөгдөөд явах үеийн Давидын дуулал. Би ЭЗЭНийг цаг үргэлж магтана. Түүнийг магтах нь миний аманд үргэлж байх болно.

²Сэтгэл минь ЭЗЭН дотор сайрхнам. Даруу нэгэн үүнийг сонсон баярламуй.

³Надтай хамт ЭЗЭНийг дээдэлж, Хамтдаа нэрийг нь өргөмжилцгөөе!

⁴Би ЭЗЭНийг хайсан агаад Тэр надад хариулж, Бүх айдсаас минь Тэр намайг чөлөөлсөн.

⁵Тэд Түүнийг ажаад Гэрэлтэх болсон хийгээд Тэдний царай дахин Ичгүүрт эс ормой.

⁶Энэ ядуу хүн хашхирахад ЭЗЭН түүнийг сонсож, Зовлон шаналан бүгдээс нь Түүнийг аварсан болой.

⁷ЭЗЭНий тэнгэрэлч Эмээгчдийнх нь эргэн тойронд байж Тэднийг чөлөөлнө.

⁸ЭЗЭН сайн гэдгийг амсацгаа, үзэцгээ! Дотор нь хоргоддог нэгэн Юутай ерөөлтэй вэ!

⁹Түүний ариун хүмүүс ээ, Та нар ЭЗЭНээс эмээгтүн! Учир нь түүнээс эмээгчдэд Юу ч дутагддаггүй.

¹⁰Залуу арслан ч гачигдан өлсөж байдаг. Харин ЭЗЭНийг хайгчид Ямар ч сайн юмаар гачигдахгүй.

¹¹Хүүхдүүд ээ, та нар ирж, Намайг сонс. Та нарт ЭЗЭНээс эмээхүйг Би зааж өгье.

¹²Амийг хүсэмжилдэг бөгөөд Сайныг харахаар өдрүүдээ хайрлагч хэн бэ?

¹³Хэлээ муу муухайгаас, Уруулаа худал хэлэхээс сахин хамгаал!

¹⁴Муугаас салж, сайныг үйлд, Амар тайвныг хай, мөшгө!

¹⁵ЭЗЭНий мэлмий зөвт хүн дээр Сонор нь тэдний хашхираан дээр байдаг.

¹⁶ЭЗЭНий нүүр царай ёр мууг үйлдэгчдийн эсрэг байдаг нь Тэдний дурсамжийг ч Дэлхийгээс арилгахын тулд буюу.

¹⁷Зөвтүүдийг хашхирахад ЭЗЭН сонсож, Зовлон шаналан бүгдээс нь тэднийг аварна.

¹⁸ЭЗЭН эмтэрсэн зүрхнүүдэд Ойрхон байх агаад Сүнсээрээ гэмшигчдийг авардаг.

¹⁹Зөв шударгын зүдүүр их авч, ЭЗЭН түүнийг тэр бүгдээс нь аварна.

²⁰Бүх ясыг нь Тэрээр хамгаалан, Тэднээс нэг нь ч хугарна үгүй.

²¹Буруутыг нүгэл нь алах Зөвтийг үзэн ядагчид буруутгагдах.

²²ЭЗЭН зарц нарынхаа амийг аврах агаад Түүнд хоргодох хэн нь ч Үл буруутгагдана.