Read Ariun Bible 2013 – Ариун Библи 2013 Дуулал 37 Bible Online

Дуулал 37 - Ariun Bible 2013 – Ариун Библи 2013 bible

Дуулал 37

¹Давидаас. Ёр мууг үйлдэгчээс болж санаа бүү зов, Бурууг үйлдэгчдэд бүү атаарх.

²Учир нь тэд удахгүй өвс шиг хорчийн хатна. Ургамал ногоо шиг хагдарна.

³ЭЗЭНд итгэж, сайныг үйлд Газар нутагт сууж, Үнэнч байдлыг хоолоо болго.

⁴ЭЗЭНд баярлагтун Тэр чамд зүрхний чинь хүслийг өгнө

⁵ЭЗЭНд замаа даатга, Түүнд итгэж найд Тэгвэл Тэр биелүүлж өгнө

⁶Тэрээр зөв байдлыг чинь гэрэл адил, Шударга хэргийг чинь үд дунд мэт гийлгэюү.

⁷ЭЗЭН дотор дуугүй байж, Түүнийг тэвчээртэйгээр хүлээ! Өөрийнхөө замаар амжилт ологчоос Хорон башир явуулгаа биелүүлдэг хүнээс болж бүү эгдүүц!

⁸Уурлахаа больж, хилэнгээ хая. Бүү эгдүүц. Энэ нь зөвхөн мууд хүргэнэ.

⁹Мууг үйлдэгчид таслагдана, Харин ЭЗЭНийг хүлээгчид Газар нутгийг өвлөнө.

¹⁰Тун удахгүй буруутууд үгүй болно Чи түүний газрыг анхааралтай хайвч Тэр байхгүй байх болно.

¹¹Харин даруу нэгэн газар нутгийг өвлөж, Дүүрэн амар амгаланд умбана.

¹²Буруут нь зөвтийн эсрэг хуйвалдаж, Түүн уруу шүдээ хавирна.

¹³Өдөр нь ирж буйг ЭЗЭН харах тул Тэрээр түүнээс болж инээнэ.

¹⁴Ядуу зүдүү хийгээд гачигдагсдыг хөсөр унагаж, Үйлсээрээ чигч шударга хүмүүсийг алахаар Буруут нь илдээ сугалж, нумаа хөвчилжээ

¹⁵Тэдний илд өөрсдийнх нь зүрхэнд зоогдож, Нумууд нь хугарах болно

¹⁶Зөв хүний жаахан юм нь Буруу олны элбэг дэлбэгээс хавьгүй дээр.

¹⁷Учир нь буруутын гар хугалагдана Зөвтийг ЭЗЭН дэмжинэ.

¹⁸Чигч шударгын өдрүүдийг ЭЗЭН мэднэ. Тэдний өв мөнхөд байна.

¹⁹Тэд гамшгийн үед ичгүүрт орохгүй, Өлсгөлөнгийн өдрүүдэд ч цадах буюу.

²⁰Харин буруут нь мөхнө. ЭЗЭНий дайснууд нугын цэцгүүд мэт болж, Тэд утаа мэт замхармой.

²¹Буруут хүн зээлээд буцааж эс өгнө Зөвт хүн харин өгөөмрөөр өгдөг.

²²Түүгээр ерөөгдөгсөд газар нутгийг өвлөнө, Түүгээр хараагдагсад таслагдана.

²³Хүний алхмууд ЭЗЭНээр тогтоогдох агаад Замд нь Тэр баярлаюу.

²⁴Тэрээр бүдрэвч газар хөсөр унахгүй Учир нь ЭЗЭН мутраараа түшдэг.

²⁵Би залуугаасаа хөгширтлөө Зөв шударга хүн хаягдахыг, Үр удам нь талх гуйж байхыг үзээгүй.

²⁶Тэр үргэлж элэгсэг агаад зээлүүлдэг. Үр удам нь ерөөлтэй.

²⁷Нүгэл муугаас эргэж, сайныг үйлд, Тэгвэл чи мөнхөд орших болно.

²⁸Учир нь ЭЗЭН шударга ёсыг хайрлах агаад Бишрэлтнүүдээ үл орхино. Тэд мөнхөд хамгаалуулсан, Харин буруутын үр удам таслагдана,

²⁹Зөвт нь газар нутгийг өвлөж, мөнхөд оршин сууна.

³⁰Зөвтийн ам ухааныг хэлж Хэл нь зөвийг өгүүлдэг.

³¹Зүрхэнд нь Бурханых нь хууль оршиж, Алхамд нь алдаа эс байдаг.

³²Буруут нь зөвтийг анаж, Түүнийг алахаар эрэлхийлнэ.

³³ЭЗЭН түүнийг буруутын гарт орхихгүй Эсвэл шүүгдэх үед нь түүнийг буруушаахгүй.

³⁴ЭЗЭНийг хүлээж, замыг нь дага, Тэгвэл газар нутгийг өвлүүлэхээр Тэр чамайг өргөмжилнө Буруут нь таслагдахад чи үүнийг үзнэ.

³⁵Саглагар мод[22] шиг өөрийгөө Сагсайлган ургуулдаг Буруу, харгис хүнийг Би харсан билээ.

³⁶Тэгээд тэр[23] өнгөрсөн, Харагтун, тэр алга болсон. Би түүнийг хайсан боловч тэр олдоогүй.

³⁷Өөлөх өөгүйг тэмдэглэж, Үнэнч шулууныг үзэгтүн. Ийм хүмүүний ирээдүй Энх тунх билээ.

³⁸Харин тэрслэгчид цөмөөрөө устгагдана Буруутын ирээдүй таслагдана.

³⁹Зөвтийн аврал ЭЗЭНээс ирнэ. Тэрээр зовлон шаналангийн цагт хүч чадал нь буюу.

⁴⁰ЭЗЭН тэдэнд тусалж, чөлөөлдөг. Дотор нь хоргоддог тул тэднийг Буруу хүнээс Тэр чөлөөлж, авардаг.