Read Ariun Bible 2013 – Ариун Библи 2013 Дуулал 39 Bible Online

Дуулал 39 - Ariun Bible 2013 – Ариун Библи 2013 bible

Дуулал 39

¹Удирдаачид. Иедутунд. Давидын дуулал. “Би хэлээрээ нүгэл үйлдэхгүйн тулд Зам мөрөө сахих болно Гэм буруутан өмнө минь байх зуур Амаа хазаарлах болно” гэж би хэлсэн.

²Би үг дуугүй байж, Сайныг ч дуугараагүй бөгөөд Шаналал минь сэдэрнэ.

³Дотор минь зүрх халуун оргиж, Гаслан дунд минь гал дүрэлзэв Тэгээд би хэлээрээ ярилаа.

⁴“Эзэн, миний эцэс хийгээд өдрүүдийн минь хэмжээг Надад мэдүүлээч Хэр доройгоо би мэдье!

⁵Харагтун, Та өдрүүдийг минь Алгын чинээхэн болгосон, Амьдралын минь хугацаа Таны өмнө юу ч биш. Үнэндээ хүн бүр хамгийн сайн үедээ ч Зүгээр л нэг амьсгал буюу. Села

⁶Үнэндээ хүн бүр сүүдэр шиг л явна. Үнэндээ тэд дэмий юманд л шуугина. Тэрээр овоолдог боловч Хэн түүнийг авахыг эс мэднэ.

⁷Өө Эзэн, одоо би чухам юуг хүлээнэ вэ? Миний найдвар Танд л байна

⁸Намайг бүх гэмт үйлдлээс минь авраач, Намайг мунхаг хүнээр бүү зэмлүүлээч!

⁹Та үүнийг үйлдсэн учраас Би хэлгүй болж амаа үл нээнэ.

¹⁰Гамшгаа надаас зайлуулаач! Таны мутрын цохилтод би үрэгдсэн.

¹¹Хилэнцийн улмаас Та Хүнийг зэмлэлээр гэсгээдэг Та түүний сайхныг Хивэн эрвээхэй адил цөлмөнө. Үнэхээр хүн бүхэн Зүгээр л нэг амьсгал буюу. Села

¹²ЭЗЭН, залбирлыг минь сонсож, Хашхирах дуунд минь чих тавиач, Нулимсанд минь бүү дуугүй байгаач! Би Таны хувьд ирмэл хүн, Бүх эцэг өвгөдийнхөө адил түр суугч болой

¹³Намайг одож, алга болохоос өмнө Намайг дахин баярлаг хэмээн Надаас Та харцаа салгаач!”