Read Ariun Bible 2013 – Ариун Библи 2013 Дуулал 40 Bible Online

Дуулал 40 - Ariun Bible 2013 – Ариун Библи 2013 bible

Дуулал 40

¹Удирдаачид. Давидын дуулал. Би ЭЗЭНийг тэвчээртэйгээр хүлээсэн Тэр над уруу ойртож, Хашхирахыг минь сонссон

²Тэр намайг сүйрлийн нүхнээс, Шавар шавхайнаас татан гаргаж, Алхмыг минь бат бэх болгон Хөлийг минь хадан дээр тавьсан

³Тэр миний аманд шинэ дууг Бурхандаа өргөх магтаалын дууг оруулав Олон хүн хараад эмээж, ЭЗЭНд итгэх болно

⁴ЭЗЭНийг итгэлээ болгогсод ерөөлтэй еэ! Тэд бардамналд эс эргэнэ, худалд үл төөрнө.

⁵Бурхан ЭЗЭН минь, Таны үйлдсэн олон гайхамшгууд Бидэнд хандсан Таны бодлууд олон юм. Тантай эн зэрэгцэхүйц хэн ч байхгүй Би тэдгээр гайхамшгуудыг зарлан хэлье гэсэн ч Тэд тоолшгүй олон.

⁶Шатаалт ба идээн тахилыг Та эс таална. Та чихийг минь нээсэн Шатаалт тахил ба нүглийн тахилыг Та үл шаардана.

⁷Тэгэхэд би “Харагтун, би ирлээ. Миний тухай хуйлмал номд[24] бичигдсэн байдаг.

⁸Бурхан минь ээ, Таны тааллыг би гүйцэлдүүлэх дуртай. Таны хууль зүрхэнд минь бий” гэж хэлсэн

⁹Би зөвт байдлыг их чуулганд тунхаглав. ЭЗЭН, харагтун, би уруулаа хамхиагүйг Та мэднэ шүү дээ!

¹⁰Би Таны зөвт байдлыг Зүрхэндээ эс нууцлав. Би Таны итгэмж хийгээд Авралыг тань тунхаглав. Би энэрлийг, хайрыг тань хийгээд үнэнийг тань Их чуулганаас эс далдлав.

¹¹ЭЗЭН, Та надаас Өршөөлөө бүү зайлуулаач, Энэрэл хайр хийгээд үнэнээрээ Намайг үргэлж хамгаалаач!

¹²Учир нь тоо томшгүй бузрууд намайг тойрчээ, Харж чадахгүй болтлоо хилэнц нүгэлд би баригджээ. Тэдгээр нь толгойны минь үснээс ч илүү олон бөгөөд Зүрх минь ч мохжээ

¹³ЭЗЭН, намайг аврахаар соёрхооч! ЭЗЭН, надад туслахаар хурдлаач!

¹⁴Миний амийг эрэн хайгчид Доромжлогдон ичгүүрт орог Намайг гайтахад баярлагчид Эргэж, шившиг болог!

¹⁵Өөрт минь “Ха, ха!” хэмээгчид Өөрсдийнхөө ичгүүрээс болж айцгааг!

¹⁶Харин Таныг эрэн хайгчид бүгд Таны дотор баярлан баясаг Таны авралыг хайрлагсад “ЭЗЭН агуу” гэж үргэлж хэлэг.

¹⁷Би зүдэрсэн, гачигдсан ч Эзэн намайг санана. Та миний тусламж, Та миний аврагч билээ. Бурхан минь ээ, бүү саатаач!