Read Ariun Bible 2013 – Ариун Библи 2013 Дуулал 41 Bible Online

Дуулал 41 - Ariun Bible 2013 – Ариун Библи 2013 bible

Дуулал 41

¹Удирдаачид. Давидын дуулал. Дорой хүмүүсийг анхааран асрагч нь Юутай ерөөлтэй вэ! Зовлонгийн өдөр ЭЗЭН түүнийг аварна

²ЭЗЭН түүнийг хамгаалан амьдруулна, Тэрээр газар дэлхий дээр ерөөлтэй гэгдэнэ. Түүнийг дайсных нь хүсэлд бүү өгөөч.

³Орондоо түүнийг сульдан хэвтэж байхад нь ЭЗЭН тэтгэнэ Өвчтэй байхад нь Та сэргээн босгоно.

⁴Би “ЭЗЭН, намайг нигүүлсээч, Таны эсрэг нүгэл үйлдсэн тул Сэтгэлийг минь эдгээгээч” гэсэн.

⁵Дайснууд минь намайг муулан “Тэр хэзээ үхэж, нэр нь үгүй болох вэ?” гэж ярилцав.

⁶Тэр намайг харахаар ирэхдээ Хуурмаг хоосныг ярина. Тэрээр зүрхэндээ цөв мууг агуулаад Гадагш гарахдаа түүнийгээ тараана.

⁷Намайг үзэн ядагч бүхэн Миний тухай шивнэлдэнэ. Намайг хорлохоор тэд хуйвалдаж

⁸“Тэр хорт өвчин туссан Тэр хэвтээд дахин босож чадахгүй” гэнэм

⁹Миний итгэдэг дотнын найз, Миний талхыг идэж байсан нэгэн нь Миний эсрэг өсгийгөө өргөв.

¹⁰Гэвч ЭЗЭН, Та намайг нигүүлсэж, Тэдэнд хариу барихын тулд намайг босгооч

¹¹Дайсан минь намайг ялсан дуугаар хашхирдаггүй билээ Та намайг таалдгийг би үүгээр мэддэг билээ.

¹²Та намайг үнэнч байдлын минь дунд түшиж, Намайг мөнхөд өмнөө байлгадаг

¹³Израилийн Бурхан ЭЗЭН Мөнхийн мөнхөд магтагдтугай! Амен, амен