Read Ariun Bible 2013 – Ариун Библи 2013 Дуулал 44 Bible Online

Дуулал 44 - Ariun Bible 2013 – Ариун Библи 2013 bible

Дуулал 44

¹Удирдаачид. Корагийн хөвгүүдийн маскил. Эцэг өвгөдийн маань өдрүүдэд, Эртний өдрүүдэд, өө Бурхан, Таны үйлдсэн ажлыг Бид чихээрээ сонссон. Тэд бидэнд ярьсан.

²Та улс үндэстнүүдийг мутраараа зайлуулж Тэднийг маань суурьшуулсан юм. Та харь овгуудыг гамшгаар тараасан.

³Учир нь тэд илдээрээ Газар нутгийг эзлээгүй. Гар нь бус харин Таны баруун мутар, Таны хуруу ба оршихуйн гэрэл тань Тэднийг аварсан билээ.

⁴Миний Хаан Бурхан Та Иаковт ялалтыг тушаагаач

⁵Танаар бид өстнүүдээ шахна. Бидний эсрэг босогчдыг Таны нэрээр бид гишгэчнэ.

⁶Би нумандаа найдахгүй, Илд минь ч намайг аврахгүй.

⁷Та л биднийг өстнүүдээс минь аварч, Үзэн ядагчдыг минь ичгүүрт унагасан.

⁸Бид өдөржин Бурханаар бахархаж, Таны нэрд мөнхөд талархана. Села

⁹Гэтэл одоо биднийг Та орхиж, ичгүүр болгож, Цэргүүдтэй маань хамт эс давшив.

¹⁰Та, биднийг өстнүүдээс зугтаалгасан. Биднийг үзэн ядагчид олз авчээ.

¹¹Та биднийг идэшний хонь адил өгч, Биднийг улс үндэстнүүдийн дунд тараасан.

¹²Ард түмнээ Та Ашиггүйгээр худалдаж,[25] Үнийг нь үл нэмэгдүүлэв.

¹³Та биднийг хөршүүдэд маань ичгүүр, Эргэн тойрныхонд маань Элэглэл, тохуурхал болгосон.

¹⁴Та биднийг улс үндэстнүүдийн дунд ёгт үг, Харь овгуудын дунд толгой сэгсрэлт болгосон.

¹⁵Өдөржин гутамшиг минь Өмнө минь байв, Нүүрийг минь ичгүүр хучсан нь

¹⁶Намайг доромжлогч ба гүтгэгчийн дуунаас, Дайсан хийгээд өшөө авагчийн байгаагаас болой.

¹⁷Энэ бүхэн бидэнд ирсэн ч Бид Таныг мартаагүй, Таны гэрээнд ч хуурамчаар хандаагүй

¹⁸Бидний зүрх эргэж буцаагүй, Алхмууд маань ч Замаас тань хазайгаагүй.

¹⁹Гэсэн ч биднийг цөөвөр чонын газарт Та няц дарж, Үхлийн харанхуйгаар биднийг хучсан.

²⁰Хэрэв бид Бурханыхаа нэрийг мартсан Эсвэл гараа харийн бурханд сунгасан бол

²¹Бурхан үүнийг илрүүлэхгүй байсан гэж үү? Тэрээр зүрхний нууцыг мэддэг юм.

²²Харин Таны төлөө бид Бүхэл өдөржингөө хядуулжээ. Нядалгааны хонь мэтээр Бид тооцогджээ.

²³Босооч Эзэн, юунд Та унтана вэ? Сэрээч, мөнхөд бүү орхиоч.

²⁴Юунд Та нүүрээ нууж, Зовлон зүдүүр, дарлагдлыг маань мартана вэ?

²⁵Сэтгэл маань шороон доор ортол Дорд болжээ. Гэдэс хэвлий маань газарт наалджээ.

²⁶Босооч, туслаач, Энэрэл хайрынхаа учир Биднийг авраач.