Read Ariun Bible 2013 – Ариун Библи 2013 Дуулал 49 Bible Online

Дуулал 49 - Ariun Bible 2013 – Ариун Библи 2013 bible

Дуулал 49

¹Удирдаачид. Корагийн хөвгүүдийн дуулал. Бүх хүмүүс ээ, сонс. Ертөнц дэлхийн бүх оршин суугчид аа, чих тавь.

²Хүн төрөлхтний хөвгүүд, Хүний хөвгүүд Баян ядуу аль аль нь сонсоцгоо.

³Миний ам мэргэн ухааныг хэлэх бөгөөд Миний зүрхний бясалгал ухаарал болой.

⁴Би сургаалт үгэнд чихээ хандуулна. Би сонжоо таавраа босоо ятгаар тайлна

⁵Намайг залилагчдын хилэнц Намайг хүрээлэхэд, Зовлон зүдүүрийн өдөр би Юунд айх ёстой вэ?

⁶Эд хөрөнгөндөө итгэж, Баялгийнхаа элбэг дэлбэгээр сайрхагсад тэд юм.

⁷Хэн нэгний амийн төлөөх Золилт үнэхээр байхгүй. Бурханд төлж чадах төлөөс гэж ч байхгүй.

⁸Учир нь амийн төлөөс нь үнэ цэнэтэй, Түүнийг мөнхөд төлж баршгүй.

⁹Энэ нь тэр нэгэн, булшийг үзэхгүй Мөнхөд амьдрахын тулд юм.

¹⁰Мэргэн хүмүүс ч үхдэгийг тэр хардаг. Мунхаг ба бүдүүлэг нь хамт сөнөн Эд хөрөнгөө бусдад үлдээнэ.

¹¹Газар нутгаа тэд өөрсдийнхөө нэрээр нэрлэвч Булш нь тэдний үүрдийн орон гэр Үеийн үед суух газар нь байна.

¹²Хүндэтгэл дотроо хүн Хоноглож үл чадах агаад Тэрээр мөхөс адгуустай л адил.

¹³Энэ нь мунхгаар найдагсдын зам[26] бөгөөд Тэдний үгийг сайшаагчдын төгсгөл болой. Села

¹⁴Тэд хонь шиг Үхэгсдийн оронд товлогдож, Үхэл тэднийг хоньчлох болой. Чигч шударга нэгэн тэднийг өглөөд захирна. Хадан дүрс нь барагдах бөгөөд Үхэгсдийн орон тэдний Оршин суух газар болно.

¹⁵Харин Бурхан амийг минь Үхэгсдийн орны гараас золино. Учир нь Тэр намайг авна. Села

¹⁶Хүн баяжиж, Гэр орных нь хөрөнгө нэмэгдэхэд бүү ай.

¹⁷Тэр үхэхдээ юу ч авч явахгүй. Түүний алдар ч араас нь явахгүй.

¹⁸Амьддаа тэр өөрийгөө жаргалтай гэж тооцох зуур Сайныг чи өөртөө үйлдэхэд Хүмүүс чамайг магтана.

¹⁹Эцэг өвгөдийнхөө үеийнхэн дээр Гэвч тэрээр очно. Эгнэгт тэд гэрлийг эс харна.

²⁰Үнэ хүндтэй ч үл ухаарах хүмүүн Үхэж мөхөх адгуус адил.