Read Ariun Bible 2013 – Ариун Библи 2013 Дуулал 5 Bible Online

Дуулал 5 - Ariun Bible 2013 – Ариун Библи 2013 bible

Дуулал 5

¹Удирдаачид. Давидын дуулал лимбэнд. ЭЗЭН, үгэнд минь чих тавьж, Ёолохыг минь анхаараач.

²Хаан минь, Бурхан минь, Хашхиран тусламж гуйхыг минь сонсооч, Учир нь Тандаа би залбирнам.

³ЭЗЭН, Өглөөд Та дуу хоолойг минь сонсоно. Өглөөгүүр би Таны өмнө бараалхан, хүсэн хүлээх[3] болно.

⁴Гэм бурууг Та үл таалдаг Бурхан тул Муу муухай нь Тантай хамт эс оршино.

⁵Сагсуурагчид мэлмийн тань өмнө үл зогсоно. Ёс бусыг үйлдэгчдийг Та үзэн яддаг.

⁶Та худал яригчдыг устгадаг. Цус урсгагч, залилж мэхлэгчдийг ЭЗЭН жигшдэг.

⁷Харин би Таны бялхам хайр энэрлээр Таны өргөөнд би орж, Таны ариун сүмд Таныг мэхийн хүндэтгэнэ.

⁸ЭЗЭН, дайснуудын минь улмаас Та намайг зөв шударгаараа хөтлөөч. Миний өмнө замаа тэгшитгээч.

⁹Тэдний хэлж байгаа зүйлсэд итгэх юм юу ч үгүй. Тэдний зүрх сэтгэл нь хорлол Тэдний хоолой нь онгорхой булш юм. Тэд хэлээрээ зусарддаг юм.

¹⁰Бурхан, тэдний гэмтэйг тунхаглаач! Төлөвлөгөөнд нь тэднийг унагаач Өөдөөс тань тэд тэрсэлдэг тул Үй олон гэмт үйлдэлд нь Тэднийг хөөн зайлуулаач

¹¹Харин Таны нөмөрт хоргодогч бүгд баяр хөөртэй байж, Та хамгаалсан учир Мөнхөд баярлан дуулаг. Таны нэрийг хайрлагчид Танд баясна.

¹²Учир нь зөвт хүнийг ерөөдөг нь ЭЗЭН, Та билээ. Бамбайгаар халхлах мэт Таалал тань түүнийг хүрээлнэ.