Read Ariun Bible 2013 – Ариун Библи 2013 Дуулал 57 Bible Online

Дуулал 57 - Ariun Bible 2013 – Ариун Библи 2013 bible

Дуулал 57

¹Удирдаачид: Бүү устгаач аялгуунд. Саулаас агуй уруу зугтах үеийн Давидын миктам. Намайг өршөөгөөч, Бурхан, Намайг өршөөгөөч Учир нь сэтгэл минь Таны дотор хоргодож байна. Таны жигүүрийн сүүдэрт би Хорлол өнгөртөл хоргодно.

²Би Хамгийн Дээд Бурханд, Миний төлөө зорилгоо биелүүлдэг Бурханд хашхирна.

³Тэрээр тэнгэрээс илгээж, Намайг аварна Намайг залгихаар завдагчдыг зэмлэнэ. Села Энэрэл хайр ба үнэнээ Бурхан илгээнэ.

⁴Миний амь арслангуудын дунд байна. Би гал гаргагч хүний хөвгүүдийн дунд хэвтэж байна. Тэд жад ба сум мэт шүдтэй бөгөөд Хэл нь хурц илд юм.

⁵Тэнгэрсээс дээгүүр Бурхан өргөмжлөгдөх болтугай. Сүр жавхлан тань Бүх дэлхийн дээгүүр байг.

⁶Тэд хөлд минь тор тавив. Сэтгэл минь гонсойв. Өмнө минь тэд нүх ухав. Өөрсдөө тэгээд түүндээ унав. Села

⁷Зүрх минь бат байна, Аяа Бурхан, зүрх минь бат байна. Би дуулна, би аялгуулан дуулна.

⁸Сэтгэл сүнс минь, сэрээч! Босоо ятга ба ятга аа, сэрээч! Үүрийн гэгээг би сэрээнэ.

⁹Аяа Эзэн, би ард түмнүүдийн дунд Танд талархал өргөнө. Би үндэстнүүдийн дунд Таныг магтан дуулна.

¹⁰Учир нь хайр энэрэл тань тэнгэрт тулам, Үнэн тань үүлсэд тулам билээ.

¹¹Аяа Бурхан, Тэнгэрсээс дээгүүр өргөмжлөгдөөч. Таны сүр жавхлан Бүх дэлхийн дээгүүр байг.