Read Ariun Bible 2013 – Ариун Библи 2013 Дуулал 59 Bible Online

Дуулал 59 - Ariun Bible 2013 – Ариун Библи 2013 bible

Дуулал 59

¹Удирдаачид: Бүү устгаач аялгуунд. Саул өөрийг нь алахаар гэрийг нь тандаж байх үеийн Давидын миктам. Бурхан минь ээ, намайг Дайснуудаас минь чөлөөлөөч Миний эсрэг босогчдоос Намайг холдуулаач.

²Ёс бусыг үйлдэгчдээс Намайг чөлөөлөөч Цус урсгадаг хүмүүсээс Намайг авраач.

³Гэмт үйлдлийн минь ч, Нүглийн минь ч учир бус атал Харагтун, ЭЗЭН! Тэд амийг минь отож байна. Хүчит хүмүүс Миний эсрэг цугларч байна,

⁴Хилэнц байхгүй атал Тэд гүйн ирж, байрлалаа эзэлж байна. Надтай уулзахаар босож, хараач.

⁵Түг түмдийн Бурхан ЭЗЭН, Израилийн Бурхан, Та бүх үндэстнийг шийтгэхээр босооч. Ёс бусыг тэрслэн үйлдэгчдийг Бүү өршөөгөөч. Села

⁶Тэд үдшээр эргэж ирээд, Нохой мэт гийнаж, Хотыг тойрон явна.

⁷Үзтүгэй, тэд амаараа хэхэрнэ. Урууланд нь илд байна. “Хэн сонсох юм бэ?” гэж хэлэвч

⁸ЭЗЭН, Та тэднийг шоолж инээнэ. Та бүх үндэстнийг тохуурхана.

⁹Хүч чадал минь ээ, Таныг би харах болно, Учир нь Бурхан миний бат цайз.

¹⁰Бурхан минь энэрэл хайраараа Намайг угтан авна. Бурхан минь намайг Дайснуудыгаа харахыг зөвшөөрнө.

¹¹Тэднийг бүү алаач, Эс тэгвээс хүмүүс минь мартана. Бидний бамбай Эзэн, Хүч чадлаараа тэднийг тарааж, Дорд болгооч.

¹²Амны нь нүгэл болбоос Уруулынх нь үгс юм. Өөрсдийн хэлдэг хараал, худлын төлөө Тэд бардамнал дотроо баригддаг.

¹³Уур хилэнгээр сөнөөгөөч, Тэднийг үгүй болтол нь сөнөөгөөч Иаковыг Бурхан захирдаг гэдгийг Дэлхийн хязгаарт хүртэл мэдэх болно. Села

¹⁴Тэд үдшээр эргэж ирээд, Нохой мэт гийнаж, Хотыг тойрон явна.

¹⁵Идэх юм эрэн тэнүүчилж, Цадаагүй бол шөнөжин архирдаг.

¹⁶Харин би хүч чадлыг тань дуулна. Өглөөгүүр хайр энэрлийг тань Баяр хөөртэйгөөр дуулна. Учир нь Та зовлон шаналлын минь өдөр Миний бат цайз, Хоргодох газар минь байсаар ирсэн.

¹⁷Хүч чадал минь ээ, Би Таныг магтан дуулна. Учир нь Бурхан, миний бат цайз Надад энэрэл хайраа үзүүлдэг Бурхан.