Read Ariun Bible 2013 – Ариун Библи 2013 Дуулал 65 Bible Online

Дуулал 65 - Ariun Bible 2013 – Ариун Библи 2013 bible

Дуулал 65

¹Удирдаачид: Давидын дуулал. Дуу. Бурхан, Таны өмнө Анир чимээгүй байдал, Сион дахь магтаал байх болно. Танд ам өчгийг ч биелүүлнэ.

²Та залбирлыг сонсдог, Танд бүх махбод очдог.

³Хилэнц нүгэл намайг[33] дийлжээ. Гэмт үйлдлийг маань Та уучилна.

⁴Хашаандаа суулгахаар Таны сонгож, ойртуулсан хүн Юутай ерөөлтэй вэ! Бид Таны ариун сүм болох Таны өргөөний сайн сайханд хангалуун байна.

⁵Бидний авралын Бурхан, Газар дэлхийн бүх хязгаар, Алс холын далайн найдлага болох Та айдас төрүүлмээр үйлсээр Бидэнд зөвт байдалд хариулна.

⁶Та бяр тэнхээгээрээ уулсыг цогцлуулж, Эрх чадлыг бүсэлнэ.

⁷Та далайн түрхрээ Давалгаануудынх нь түрхрээг, Хүмүүсийн үймээнийг ч намдаадаг.

⁸Хязгаарт оршин суугчид Таны тэмдгүүдээс айн зогсдог Та үүрийн туяа ба үдшийн бүрийг Баясган хашхируулдаг.

⁹Та газар дэлхийд айлчилж, Түүнийг бялхуулдаг. Та түүнийг ихэд баяжуулдаг. Бурханы урсгал усаар дүүрэн байдаг. Та газрыг ийнхүү зэхэхдээ Тэдний үр тариаг бэлтгэдэг.

¹⁰Та түүний шанг арвинаар услан Нурууг нь тэгшилж, Та зүсэр бороогоор түүнийг дэвтээн Ургахыг нь ч ерөөнө.

¹¹Та ээлтэй жилдээ титэм өмсгөн Таны мөрөөр тос цавдмуй.

¹²Хээр талын бэлчээрүүд ч цавдуулж, Толгод баяр баясгалангаар хучигддаг.

¹³Нугыг хонин сүрэг нөмөрч, Хөндийнүүд үр тариагаар хучигджээ. Баясгалантай хашхиралтууд, Тийм ээ, тэд дуулалдмуй!