Read Ariun Bible 2013 – Ариун Библи 2013 Дуулал 66 Bible Online

Дуулал 66 - Ariun Bible 2013 – Ариун Библи 2013 bible

Дуулал 66

¹Удирдаачид: Дуу. Дуулал. Бүх газар дэлхий, Бурханд баяртайгаар хашхир!

²Түүний нэрийн сүр жавхланг дуул, Магтаалыг нь сүр жавхлантай болго!

³Бурханд “Таны үйлс хэчнээн сүрдмээр вэ! Таны хүч аугаа учраас Дайснууд тань Таны өмнө бялдуучилна.

⁴Бүх дэлхий Танд мөргөж, Таныг магтан дуулна Тэд Таны нэрийг магтан дуулна” гэж хэл. Села

⁵Ирээд, Бурханы үйлсийг үз, Хүний хөвгүүдэд үйлдсэн нь сүрдэм!

⁶ Тэрээр далайг хуурай газар болгосон Тэд хөлөөрөө алхаж голыг гаталсан. Тэнд бид Түүнд баярлацгаав.

⁷Тэр эрх мэдлээрээ мөнхөд захирна. Түүний мэлмий үндэстнүүдийг харсаар байна. Тэрслэгчдэд өөрсдийгөө өргөмжлөхийг Бүү зөвшөөр Села

⁸Хүмүүс ээ, бидний Бурханыг магтаж, Магтаалынх нь дууг сонсгогтун!

⁹Тэр биднийг амьд байлгадаг. Бидэнд хөл алдахыг зөвшөөрдөггүй.

¹⁰Бурхан, Та биднийг сорьсон. Мөнгийг цэвэршүүлдэг мэт Та биднийг цэвэршүүлсэн.

¹¹Та биднийг торонд оруулсан. Та ууц нуруунд маань Дарах ачааг үүрүүлсэн.

¹²Та толгой дээгүүр маань Хүмүүсийг мордуулсан. Бид гал ба усан дундуур гарсан. Гэлээ ч Та биднийг Элбэг баян газарт авчирсан.

¹³Таны өргөөнд би Шатаалт тахилуудыг авч орно. Танд тангарагласнаа Би биелүүлнэ.

¹⁴Намайг зовлон шаналалд байхад Уруул минь өгүүлж, Ам минь ингэж хэлсэн.

¹⁵Танд тарган малаар Шатаалт тахилуудыг би Хуцнуудын утаатай хамт өргөнө. Бухыг ухнатай хамт өргөнө. Села

¹⁶Бурханаас эмээгч бүгд ээ, ирж сонс. Тэгвэл миний сүнсний төлөө Түүний юу үйлдсэнийг би өгүүлье.

¹⁷Би амаараа Түүнд хашхирсан агаад Хэлээрээ Түүнийг өргөмжилсөн.

¹⁸Хэрэв би зүрхэндээ Цөв мууг хүндэтгэсэн бол Эзэн сонсохгүй байхсан.

¹⁹Харин Бурхан үнэхээр сонсож, Залбирлын минь дуунд Тэр чих тавьсан.

²⁰Залбирлыг минь хаяагүй Энэрэл хайраа ч надаас буцаагаагүй. Бурхан магтагдах болтугай!