Read Ariun Bible 2013 – Ариун Библи 2013 Дуулал 68 Bible Online

Дуулал 68 - Ariun Bible 2013 – Ариун Библи 2013 bible

Дуулал 68

¹Удирдаачид: Давидын дуулал. Дуу. Бурхан босоход дайснууд нь таран бутарч, Түүнийг үзэн ядагчид Өмнөөс нь зугтана.

²Утаа замхрах адил Тэднийг хөөнө. Галын өмнө хайлах лааны тос адил Буруут нь Бурханы өмнө сөнөнө.

³Харин зөвт хүмүүс баярлана. Тэд Бурханы өмнө баяр хөөр болно. Тэд баясан хөөрцөглөнө.

⁴Бурханд дуул, нэрийг нь магтан дуулагтун! Цөлөөр явагч[34] Түүнд дуугаа өргө. Түүний нэр ЭЗЭН. Түүний өмнө баярлан хөөрөгтүн!

⁵Өнчидийн эцэг нь, Бэлэвсний өмгөөлөгч нь Өөрийн ариун газарт агч Бурхан юм.

⁶Ганцаардагчийг гэртээ суулган Хоригдогсдыг сайн сайханд Бурхан дагуулна. Тэрслэгчид л харин ангамал газар үлдэнэ.

⁷Бурхан, Таныг ард түмнээ манлайлан явахад Таныг цөл дундуур мөн тэргүүлэн алхахад, Села

⁸Газар хөдөлжээ. Тэнгэрс ч бас Бурханы өмнө, Синаин Нэгэний[35] өмнө, Израилийн Бурхан, Бурханы өмнө бороо дуслуулжээ.

⁹Бурхан, Та элбэг дэлбэг бороог цутгажээ. Доройтоход нь Та өв юугаа бататгажээ.

¹⁰Таны бүтээлүүд түүн дотор суурьшсан. Бурхан, Та нинжин сэтгэлээр ядуусыг хангажээ.

¹¹Эзэн тушаал буулгадаг. Мэдээ тунхаглагч эмэгтэйчүүд олон.

¹²“Их цэргийн хаад зугтана, Тэд зугтана. Гэрт үлдсэн эмэгтэй олзыг хуваана”

¹³Хонины хашаанд хэвтэх үедээ та нар Мөнгөөр бүрсэн тагтааны жигүүр, Солонгорсон алтлаг өд нь мэт ажгуу.

¹⁴Төгс Хүчит Нэгэн тэнд Хаадыг тараахад Залмонд цас бударч байв.

¹⁵Бурханы уул бол Башаны уул Олон өндөр оргилтой уул Башаны уул.

¹⁶Олон өндөр оргилтой уулс аа, Бурханы оршин суух газраа болгохыг хүссэн уулыг Та нар юунд атаархан харна вэ? Үнэхээр ЭЗЭН тэнд мөнхөд оршино.

¹⁷Бурханы тэрэгт цэрэг мянга мянгаар, түм түмээрээ, Эзэн тэдний дунд Синаи ариун газарт.

¹⁸Та өндөрт гарч, олзолсон олзлолоо дагуулжээ. Та хүмүүсийн дунд өглөг авсан, Тэрслэгчдээс ч авсан нь ЭЗЭН Бурхан тэнд оршин суухын тулд юм.

¹⁹Өдөр бүр ачааг маань үүрдэг Эзэн, Бидний аврал болох Бурхан магтагдах болтугай! Села

²⁰Бурхан бол бидний авралын Бурхан юм. Үхлээс зайлах нь Эзэн БУРХАНых юм.

²¹Үнэхээр Бурхан дайснуудынхаа толгойг, Гэмээ байнга үйлддэг хүний Үстэй зулайг бяц цохино.

²²Эзэн “Би тэднийг Башанаас авчирна. Би тэднийг далайн гүнээс буцааж гаргана.

²³Тэгснээр өөрийн чинь хөл Тэдний цусанд булхаж, Нохдын чинь хэл Дайснуудаас хувиа хүртэнэ.”

²⁴Бурхан, тэд Таны залран ирэхийг, Хаан минь болох миний Бурханы Ариун газарт залран ирэхийг харсан.

²⁵Хэнгэрэг дэлдэх бүсгүйчүүдийн дуунд Дуучид өмнө нь явж, хөгжимчид дагав.

²⁶Израилийн ундаргаас гардаг та нар аа, Цугларалтуудад Бурхан ЭЗЭНийг ерөөгтүн!

²⁷Тэнд тэднийг удирддаг отгон Бениамин, Иудагийн ноёд олон түмэнтэйгээ, Зебулун ба Нафталийн ноёд тэнд байна.

²⁸Чиний Бурхан чамд хүчийг тушаав. Бидэнд үйлдэж байсан Бурхан, Та хүчээ харуулаач.

²⁹Иерусалим дахь Таны сүмээс болж Хаад Танд бэлэг авчирна.

³⁰Зэгсэн дундах араатнууд болон Ард түмнүүдийн тугалуудын дундах Бухын сүргийг зэмлэ, Мөнгөн олзонд шунагчдыг талхал. Дайнд дурлагч хүмүүсийг тараа![36]

³¹Дээдэс[37] Египетээс гарч ирнэ. Етиоп төдөлгүй гараа Бурханд сунгана.

³²Дэлхийн хаанчлалууд аа, Бурханд дуулагтун, Эзэнд магтан дуулагтун! Села

³³Эртний үеийн дээд тэнгэрсийг хөлөглөгч Түүнд дуулагтун! Харагтун, Тэрээр дуугаа, Сүрлэг дуу хоолойгоо цуурайтуулна.

³⁴Хүч чадлыг Бурханых гэж үз. Түүний сүр хүч Израилийн дээр, Хүч чадал нь тэнгэрт буй.

³⁵Бурхан, ариун газраасаа Та сүрдмээр байна. Израилийн Бурхан, хүч хийгээд чадлыг Ард түмэнд Тэр өгдөг. Бурхан магтагдах болтугай!