Read Ariun Bible 2013 – Ариун Библи 2013 Дуулал 7 Bible Online

Дуулал 7 - Ariun Bible 2013 – Ариун Библи 2013 bible

Дуулал 7

¹Бениамин хүн Кушийн талаар ЭЗЭНд дуулсан Давидын шигаион. Бурхан ЭЗЭН минь, Таны дотор би хоргодсон билээ. Намайг мөшгөж буй бүгдээс Намайг авран чөлөөлөөч.

²Эс тэгвээс арслан мэт Тэд намайг тасчиж, Аврах хүнгүйд тэд намайг чирнэ.

³Бурхан ЭЗЭН минь, хэрэв би үүнийг хийсэн бол, Хэрэв гарт минь гэм нүгэл байгаа бол,

⁴Анддаа хорон муу хариу барьж, Өстнөө шалтаггүйгээр цөлмөсөн[4] бол

⁵Дайсан минь намайг мөшгөн бариг. Амийг минь тэрээр газарт гишгэлэн Алдрыг минь тоос шороонд унагааг. Села

⁶ЭЗЭН, ууран дотроо босооч. Өстнүүдийн минь хилэнгийн эсрэг Өөрийгөө Та өргөөч. Та шийтгэлийг товлосон билээ.

⁷Үндэстэн хотол түмнээр Өөрийгөө Та хүрээлүүлж, Тэдний дээгүүр өндөртөө буцаж залраач.[5]

⁸ЭЗЭН ард түмнүүдийг шүүдэг. Миний доторх гэмгүй шударга, үнэнч байдлын минь дагуу, ЭЗЭН, намайг зөвтгөөч.

⁹Гэм буруутны хорон мууг төгсгөж, Харин зөвт хүнийг бат тогтоогооч. Зөв шударга Бурхан Зүрх ба оюун бодлыг шалгадаг.

¹⁰Миний бамбай болсон Бурхан Зөв шударга зүрхтнийг авардаг.

¹¹Бурхан шударга шүүгч бөгөөд Өдөр бүр хилэгнэдэг Бурхан.

¹²Хэрвээ хүн гэмшихгүй бол Тэрээр илдээ ирлэх болно. Тэрээр нумаа хөвчлөөд, бэлэн болгожээ.

¹³Тэрээр бас Өөртөө үхлийн зэвсгүүдийг бэлтгэжээ Тэрээр сумаа галт сум болгомуй.

¹⁴Тэд ёс бусыг хэрхэн олж, Хорон мууг тээж, Худал хуурмагийг төрүүлдгийг харагтун,

¹⁵Тэд нүх малтан хөндийлөөд, Тэр нүхэндээ унасан юм.

¹⁶Хорон муу төлөвлөгөө нь Өөрийнх нь толгой дээр эргэн ирж, Хүчирхийлэл нь өөрийнх нь зулай дээр бууна.

¹⁷Би ЭЗЭНд зөв шударгынх нь дагуу талархаж, Хамгийн Дээд ЭЗЭНий нэрд магтаалыг дуулна.