Read Ariun Bible 2013 – Ариун Библи 2013 Дуулал 71 Bible Online

Дуулал 71 - Ariun Bible 2013 – Ариун Библи 2013 bible

Дуулал 71

¹ЭЗЭН, Таны дотор би хоргодсон Намайг хэзээ ч ичгүүрт бүү унагаач!

²Зөв шударгаараа намайг авран суллаач, Сонор юугаа над уруу хандуулан Намайг авраач!

³Миний хоргодох хад, Намайг аврах Таны тушааснаар үргэлж явахын тулд хүчирхэг бэхлэлт минь болооч![39] Та миний хад, бат цайз минь билээ.

⁴Бурхан минь ээ, намайг Гэм буруутны гараас, Ёс бусыг үйлдэгч ба харгис хүний нударгаас авраач!

⁵Учир нь Та миний найдвар БУРХАН Эзэн, Та бол залуугаас минь миний итгэл юм.

⁶Төрөхөөсөө би Таныг түшсэн,[40] Та намайг эхийн минь хэвлийгээс гаргаж авсан Нэгэн. Үргэлж Таныг магтму, би.

⁷Олон хүнд би гайхашрал болжээ. Та миний бат бэх хоргодох газар.

⁸Ам минь Таны магтаалаар, Таны алдраар бүхэл өдөржин дүүрэн.

⁹Хөгшрөх үед минь Намайг бүү орхиоч. Хүч чадал минь барагдах үед Намайг бүү хаяач!

¹⁰Учир нь дайснууд минь Миний эсрэг ярилцжээ. Миний амийг отогчид Хамтран хуйвалджээ.

¹¹Тэгэхдээ тэд “Бурхан түүнийг хаясан Аврах хүн байхгүй учраас Түүнийг хөөж, барь” гэцгээнэ.

¹²Бурхан, надаас бүү хол байгаач Бурхан минь ээ, надад туслахаар хурдлаач!

¹³Сүнсийг минь буруутгагчдыг Ичгүүрт унаган сөнөөгөөч Намайг хорлохыг хүсэгчдийг Доромжлол, ичгүүрээр нөмөргөөч!

¹⁴Харин би үргэлж найдаж, Таныг улам ихээр магтах болно.

¹⁵Ам минь Таны зөв шударга, Таны авралыг өдөржин ярина. Учир нь би тоог нь ч эс мэднэ.

¹⁶Би БУРХАН Эзэний хүчит үйлстэй ирнэ. Би Таны зөвт байдлыг Зөвхөн Таныг магтмуй.

¹⁷Бурхан, Та залуугаас минь эхлэн Намайг сургасан. Эдүгээ хүртэл би Таны гайхамшигт үйлсийг тунхагладаг.

¹⁸Бурхан, хөгширч бууралтах үед минь ч Намайг бүү орхиоч, Таны мутрыг би үе удамд, Таны хүчийг ирээдүйн бүх хүнд Тунхаглах хүртэл бүү орхиоч!

¹⁹Учир нь аугаа зүйлсийг хийсэн Бурхан, Таны зөвт байдал тэнгэрт хүрсэн. Бурхан, хэн Тантай адил вэ?

²⁰Надад олон зовлон шаналанг үзүүлсэн Та Намайг дахин сэргээж, Газрын гүнээс дахин татан гаргана.

²¹Та агуу байдлыг минь улам өсгөж, Намайг тайвшруулахаар эргэнэ.

²²Бурхан минь ээ, би Таны үнэнийг, Таныг босоо ятгаар магтана. Израилийн Ариун Нэгэн, Би Танд ятга хөгжмөөр магтан дуулна.

²³Би Танд магтан дуулах үед Уруул минь баярлан хашхирна. Таны аварсан миний сэтгэл баясна.

²⁴Хэл минь ч өдөржин Таны зөвт байдлыг өгүүлнэ. Учир нь намайг хорлохыг хүсэгчид Доромжлол ба ичгүүрт унасан билээ.