Read Ariun Bible 2013 – Ариун Библи 2013 Дуулал 72 Bible Online

Дуулал 72 - Ariun Bible 2013 – Ариун Библи 2013 bible

Дуулал 72

¹Соломоны дуулал. Бурхан, шүүлтээ хаанд, Зөвт байдлаа хааны хүүд өгөөч!

²Тэр Таны ард түмнийг зөв шударгаар, Таны үгээгүйчүүдийг шударга ёсоор шүүг.

³Уулс ба толгод ч зөвт байдлаар Ард түмэнд амар тайвныг авчраг.

⁴Тэрээр ард түмний зүдрэгсдийг зөвтгөн Гачигдагсдын хүүхдүүдийг аварч Дарлагчийг сөнөөх болтугай!

⁵Нар, сарыг байхад Тэд үеийн үед Танаас эмээг.

⁶Тэрээр хатсан өвсөн дээр бороо шиг, Газар хөрсийг чийглэгч Шиврээ бороо мэт бууж ирэг!

⁷Түүний өдрүүдэд зөвт хүн цэцэглэж, Сарыг үгүй болтол Амар тайван ч арвин их болно.

⁸Тэрээр тэнгисээс тэнгис хүртэл, Тэрхүү газрын хязгаар хүртэл Захирах болтугай!

⁹Цөлд суугчид түүний өмнө бөхийж, Дайснууд нь тоос шороог долоог!

¹⁰Таршиш хийгээд арлуудын хаад бэлэг барин, Шеба хийгээд Себагийн[41] хаад Алба гувчуур авчраг.

¹¹Бүх хаад түүнд мэхийж, Бүх үндэстэн түүнд зарагдах болтугай!

¹²Тэрээр гачигдагчийг Тусламж гуйн хашхирахад нь, Дарлагдагч ба туслагчгүй нэгнийг ч бас аварна.

¹³Тэрээр ядуус, гачигдагсдыг өршөөж Гачигдагсдын амийг аврах болно.

¹⁴Тэр тэдний амийг Дарамт хүчирхийллээс аврах бөгөөд Тэдний цус түүний нүдэнд Үнэтэй байх болно.

¹⁵Тиймээс тэр амьд байж, Шебагийн алт түүнд өгөгдөх болтугай Тэд түүний төлөө үргэлж залбирч Түүнийг өдөржин ерөөх болтугай!

¹⁶Уулсын оргил дээрх газарт Үр тариа элбэг дэлбэг байг. Үр жимс нь Ливаны хуш шиг найгана Хотод суугчид газрын ургамал мэт Урган цэцэглэг.

¹⁷Түүний нэр мөнхөд байг, Нар гэрэлтэх мэт Нэр нь урган мандаг. Хүмүүс түүгээр ерөөгдөнө. Бүх үндэстэн түүнийг Жаргалтайгаар магтаг.[42]

¹⁸Ганцаараа гайхамшгуудыг үйлддэг Израилийн Бурхан, ЭЗЭН Бурхан магтагдах болтугай!

¹⁹Сүр жавхлант нэр нь Мөнхөд магтагдах болтугай, Бүх дэлхий Түүний алдраар дүүртүгэй! Амен, Амен.

²⁰Иессийн хүү Давидын залбирал төгсөв.