Read Ariun Bible 2013 – Ариун Библи 2013 Сургаалт үгс 25 Bible Online

Сургаалт үгс 25 - Ariun Bible 2013 – Ариун Библи 2013 bible

Сургаалт үгс 25

¹Эдгээр нь бас Соломоны сургаалт үгс бөгөөд Иудагийн хаан Хезекиагийн эрс үүнийг нэгтгэн сийрүүлэв.

²Бурханы алдар суу нь хэрэг явдлыг нууцлахад. Хаадын алдар суу нь тэдгээрийг олж илрүүлэхэд.

³Тэнгэр дээш өндөр, газар доош гүн Тэр лугаа адил хаадын зүрх ил бус.

⁴Мөнгөний дархан сав хийхдээ Мөнгийг хольцноос нь цэвэршүүлэх адил

⁵Хааны өмнөөс буруут хүнийг холдуулсугай! Хаан сэнтий нь тэгвэл зөвт байдалд тогтоно.

⁶Хааны өмнө өөрийгөө бүү өргөмжил Их хүмүүсийн байранд бүү зогс.

⁷Ноёдын өмнө дорд орохоо харснаас “Дээшээ морилогтун” гэж хэлүүлсэн нь дээр биз ээ.

⁸Хэрэг зарга хийхдээ бүү яар! Хөрш чинь чамайг ичгүүрт оруулахад эцэст нь чи яах юм бэ?

⁹Өөрийн хэргийг хөрштэйгөө л шийд Бусдын нууцыг бүү задруул.

¹⁰Эс тэгвээс үүнийг сонссон хүн чамайг ичээх вий. Чиний тухай базаахгүй үг тасрахгүй байх вий.

¹¹Зохимжтой хэлсэн үг мөнгөн хээ угалзны дундах алтан алим мэт буюу.

¹²Мэргэн зэмлэл дуулгавартай чихэнд Алтан ээмэг, алтан гоёл мэт буюу.

¹³Итгэмжит элч нь илгээгсдэдээ Ургацын үеэрх хурын сэрүү таталт мэт. Учир нь тэрээр эзнийхээ сэтгэлийг сэргээнэ.

¹⁴Өгөхгүй бэлгээрээ сайрхагч болбоос Хургүй үүл ба салхи мэт буюу.

¹⁵Тэвчээрт захирагчийн уур ятгагдах Зөөлөн хэлэнд яс хугарах.

¹⁶Чи зөгийн бал олвоос Бөөлжихгүйн тулд хэт их бус, хэрэгцээнийхээ хэрээр л ид.

¹⁷Хөршийнхөө гэрт хөлөө ховор тавь Эс тэгвээс тэр чамаас залхаж, Чамайг үзэн ядах вий.

¹⁸Хөршийнхөө эсрэг худал мэдүүлэгч Хурц үзүүртэй сум, илд болон шийдэм мэт.

¹⁹Хэцүү цагт урвагч хүнд найдах нь Хорхойтсон шүд, доголсон хөл мэт.

²⁰Шаналсан зүрхтэй нэгэнд дуу дуулдаг хүн болбоос Шархан дээр цуу асгах ба хүйтэн өдөр хувцсаа тайлах хүн мэт буюу.

²¹Дайсан чинь өлссөн бол түүнд идэх талх өг Харин цангасан бол уух ус өг

²²Ингэснээр чи түүний толгой дээр галтай нүүрс овоолж байгаа бөгөөд ЭЗЭН чамайг шагнах болно.

²³Умрын салхи бороо оруулах Далдуур муучлагч хэл ууртай царай авчрах.

²⁴Дэндүү яншаа эхнэртэй нэг байшинд сууснаас Дээврийн буланд амьдарсан нь дээр.

²⁵Алс газраас ирэх сайн мэдээ Ангасанд хүйтэн ус өгөхтэй адил.

²⁶Буруутын өмнө зөвт сөхрөн унах нь Бохирдсон худаг, булингартсан ундарга мэт.

²⁷Зөгийн балыг хэтрүүлж идэх Алдар дээр алдар нэрийг хэт эрэлхийлэхийн аль аль нь сайн бус.

²⁸Өөрийгөө захирдаггүй хүн Ханан хэрэмгүй, нурсан хот мэт болой.