Read Ariun Bible 2013 – Ариун Библи 2013 Сургаалт үгс 26 Bible Online

Сургаалт үгс 26 - Ariun Bible 2013 – Ариун Библи 2013 bible

Сургаалт үгс 26

¹Зунаар цас, ургацнаар бороо гэгчээр Мунхагт алдар хүнд үл зохино.

²Хүртэх ёсгүй хараал эргэлдэх бор шувуу, нисэн одох хараацай мэт

³Моринд ташуур, илжгэнд хазаар Мунхгуудын нуруунд саваа.

⁴Мунхаглалаар мунхагт бүү хариул Адил болуузай.

⁵Түүнд мунхаглалынх нь хариултыг өг Нүдэндээ тэд мэргэн болуузай.

⁶Хөлөө тайруулж, хүчирхийллийг ууя гэвэл Мунхаг нэгнээр хэл хүргүүлэх.

⁷Мунхгийн аман дахь сургаалт үгс Доголон хүний тэгш бус хөл адил.

⁸Мунхагт алдар хүнд өгөх нь Дүүгүүрт чулуу холбож бэхлэхтэй адил.

⁹Мунхгийн аман дахь сургаалт үгс Согтуугийн гар дахь өргөст мөчир адил.

¹⁰Явуулын мунхгийг хөлслөгч эсвэл согтууг хөлслөгч болбоос Бүхнийг шархдуулдаг харваач лугаа адил.[10]

¹¹Нохой бөөлжсөө идэх, Мунхаг хүн мунхаглалаа давтах.

¹²Өөрийнхөө нүдэнд мэргэн хүнийг чи үзсэн үү? Мунхаг хүнд тийм нэгнээс ч илүү найдлага бий.

¹³Залхуу хүн “Зам дээр арслан байна, Задгай талбайд арслан байна” гэх

¹⁴Хаалга нугасаараа эргэх адил Залхуу хүн орон дээрээ хөрвөөнө.

¹⁵Аяганд хүргэсэн гараа залхуу нь Амандаа буцааж хүргэх гэж цөхнө.

¹⁶Залхуу хүн өөрийгөө долоон хэрсүүгээс ч илүү мэргэнд тооцно

¹⁷Бусдын хэрүүлд хөндлөнгөөс оролцох нь Хажуугаар өнгөрөгч нохойг чихнээс нь зулгаахтай адил.

¹⁸Галтай мод, үхлийн сумаар тоглогч галзуу мэт

¹⁹Хөршийгөө гүтгэн мэхэлчихээд “Би тоглосон юм” гэгч байх.

²⁰Түлээгүйд гал унтарна Хов зөөгчгүйд эвдрэлцэл намжина.

²¹Нүүрс цогшиж Мод гал болдог лугаа адил Хэрүүлч хүн хэрүүл өдөөх.

²²Хов яригчийн үгс амтат идээ мэт Ходоодны мухарт ч хүрнэ.

²³Дүрэлзэх уруул, ёрын муу зүрх болбоос Мөнгөний хольцоор өнгөлсөн шавар сав суулга мэт.

²⁴Үзэн ядагчийн уруул зөөлөн ярьдаг ч дотроо зальтай

²⁵Нигүүлсэнгүй ярьсан ч түүнд бүү итгэ. Зүрх юунд нь элдэв долоон жигшүүр.

²⁶Заль мэхээр үзэн ядалт нь халхлагддаг ч Зальт санаа нь чуулганы өмнө илчлэгдэнэ.

²⁷Өрөөлд ухсан нүхэндээ өөрөө унах. Өөд өнхрүүлсэн чулуу өөр дээр нь буух.

²⁸Худалч хэл хэлмэгдэгчээ хүртэл үзэн ядах. Ховч ам сүйрлийг бэлдэх.