Read Ariun Bible 2013 – Ариун Библи 2013 Сургаалт үгс 27 Bible Online

Сургаалт үгс 27 - Ariun Bible 2013 – Ариун Библи 2013 bible

Сургаалт үгс 27

¹Маргаашаар бүү сайрх Маргааш юу авчрахыг чи үл мэднэ.

²Чамайг магтагч нь Ам чинь бус өөр хүн байг, Уруул чинь бус харь хүн байг.

³Чулуу хүнд, элс жинтэй ч Илүү хүнд нь мунхгийн өдөөн хатгалга.

⁴Хилэн хэрцгий, уур үер мэт ширүүн ч Хардалтыг хэн давах вэ?

⁵Далдлагдсан хайраас ил зэмлэл дээр.

⁶Андын чинь учруулсан шарх сайныг. Дайсны чинь үнсэлт заль мэхийг.

⁷Цатгаланд сархинагийн бал ч амтгүй Өлссөнд гашуун юм ч чихэрлэг.

⁸Гэрээ орхих нь үүрээ орхих жигүүртэн мэт.

⁹Анхилуун үнэрт тос, сүрчиг нь зүрхийг баясгах. Сэтгэлийн үнэнч зөвлөгөө анд нөхөрт нь амтат бурам мэт.

¹⁰Анд болон эцгийнхээ анд нөхрийг бүү орхи. Гай гамшиг тохиолдоход ах дүүгийнхээ гэрийг бүү зорь. Алсад буй ахаас ойр буй хөрш чинь дээр.

¹¹Муулагчдадаа би хариу барьж чадахын тулд Мэргэн байж, зүрхийг минь баярлуул, хүү минь.

¹²Хэрсүү нь гайг олж хараад нуугддаг атал Гэнэн хүн угтан явсаар байгаад шангаа хүртдэг.

¹³Гаднын хүнийг[11] батлан даагчийн дээлийг ав Харь хүний улмаас түүнийг барьцаал.

¹⁴Өглөө эртлэн босоод чанга дуугаар нөхрөө ерөөдөг хүн Өөрөө түүнд хараал адил тооцогдоно.

¹⁵Шиврээ бороотой өдрийн дусаал Яншаа эм хоёр адил агаад

¹⁶Ийм эмэгтэйг номхтгох нь Салхи номхтгох эсвэл гараараа тос атгаж авах мэт.

¹⁷Төмөр төмрийг ирлэдэг. Хүн хүнээ хурцалдаг.

¹⁸Инжрийн модыг арчлагч жимсийг нь идэх. Эзэндээ ачтай боол хүндлэл үзэх.

¹⁹Усанд нүүрээ тольдох. Зүрхэндээ өөрийгөө харах.

²⁰Үхэгсдийн орон, сүйрэл ханаж эс цадна. Хүмүүний нүд бас үл ханана.

²¹Хайлуур нь мөнгөнд, зуух нь алтанд Хүний зүрхэнд магтаал шалгуур юм.

²²Мунхгийг үр тариатай хамт нүдүүрээр ууранд нүдсэн ч нэмэр бага.

²³Малынхаа тэвээргийг мэд Сүрэгтээ сэтгэл тавь.

²⁴Эд баялаг мөнх бус Титэм ч үеэс үед эс залгамжлагдах.

²⁵Өвс хадагдаж, шинэ нахиа цухуйхад, Уулан дээрх ногоог хурааж дуусах цагт

²⁶Хурганууд чинь хувцас болж, Ямаанууд чинь газрынхаа өртгийг өгнө.

²⁷Чамайг, гэр бүлийг чинь хооллох Зарц бүсгүйчүүдийг чинь бас тэжээх Ямааны сүү элбэг дэлбэг байна.