Read Ariun Bible 2013 – Ариун Библи 2013 Сургаалт үгс 28 Bible Online

Сургаалт үгс 28 - Ariun Bible 2013 – Ариун Библи 2013 bible

Сургаалт үгс 28

¹Буруут нь мөшгөөгүй байхад ч зугтдаг бол Зөвт нь арслан мэт зоригтой.

²Тэрслэл олширсон газар захирагч олшрох Тэнэгэр ухаант захирагч удаан тогтнох.

³Ядуу хэрнээ ядууг зовоогч нь Хоол хүнс таслах аадар мэт.

⁴Хуулийг умартагсад нь буруутнуудыг магтана. Хуулийг сахигсад нь харин тэдний эсрэг тэмцэнэ.

⁵Ёрын мууг үйлдэгчид шударга ёсыг үл ухна. ЭЗЭНийг хайгчид бүхнийг сайн ойлгоно.

⁶Тахир замт баянаас Өөлөх гэмгүй алхагч ядуу нь дээр.

⁷Хуулийг сахигч нь хэрсүү хүү мөн Харин үрэн таран хийгчидтэй нөхөрлөгч нь эцгийгээ гутаадаг.

⁸Мөнгө хүүлэх, түргэн ашиг олох замаар Өмч хөрөнгөө арвижуулагч нь Ядуусыг нигүүлсдэг нэгний төлөө Үүнийг хурааж буй хэрэг.

⁹Хуулийг үл сонсдог хүний Залбирал нь ч хүртэл жигшүүртэй.

¹⁰Ёрын муу замаар шударга нэгнийг төөрөлдүүлэгч нь Ухсан нүхэндээ өөрөө унах. Гэм зэмгүй хүн сайныг өвлөх.

¹¹Баян хүн өөрийнхөө нүдэнд мэргэн байдаг бол Ухаантай ядуу хүн түүнийг илчилнэ.

¹²Зөвтүүд амжилт олох нь агуу алдар суу Буруутууд гарч ирэх цагт хүмүүс нуугдана.

¹³Гэмт үйлдэлээ далдлагч хэзээ ч үл дэвжюү Гэвч улайгаад, орхигч хайр энэрлийг хүртюү.

¹⁴Хэзээд эмээдэг хүнд ерөөл орших, Харин зүрхээ хатууруулдаг хүн гай зовлонд унах.

¹⁵Буруут захирагч ядуу түмний дээр байх нь Архирах арслан ба дайрах баавгай мэт.

¹⁶Хавчин дарладаг захирагч ухаанаар дутмаг байх, Харин шударга бус олзыг үзэн яддаг хүний Өдөр хоног уртсах.

¹⁷Амь цусны буруутан үхэн үхтлээ оргодол Ийм хүнийг бүү дэмж.

¹⁸Гэм зэмгүйгээр явагч хүн аврагдах, Харин тахир замаар явагч хүн нэгмөсөн унах.

¹⁹Газраа тариалагч талхаар арвин байх. Хоосны араас мөшгөгч хүн ядуурлаар арвин байх.

²⁰Итгэлтэй хүнд ерөөл олшрох, Харин баяжих гэж яардаг хүн шийтгүүлэлгүй эс өнгөрөх.

²¹Нүүр тал засах нь сайн юм биш Зүсэм талхны төлөө хүн зүй бусыг үйлдэх нь бий.

²²Хорон нүдтэй хүн эд баялгийн араас яаравчлах, Харин ядуурал түүнд ирчихээд буйг үл анзаарах.

²³Хүнийг зэмлэгч нь эцэстээ Хэлээрээ зусардагчаас илүү их нигүүлслийг хүртэнэ.

²⁴Эцэг эхээ цөлөмчихөөд, “Гэмт үйлдэл бус” гэж хэлэгч болбоос Эвдэн сүйтгэгч хүний хамсаатан мөнөөс мөн.

²⁵Эрэлхүү хүн эвдрэлцэл өдөөх. ЭЗЭНд найдагч тосон чөмөглөх.

²⁶Мунхаг хүн болбоос зүрхэндээ итгэдэг Мэргэн хүн харин аюулаас зайлдаг.

²⁷Ядууст өгдөг хүн хэзээ ч, юугаар ч үл дутагдах Харин нүдээ буруулагч хүн олонтаа зүхэгдэх.

²⁸Буруутууд дээш гарахад хүмүүс нуугдана. Тэднийг унах цагт зөвтүүд олширно.