Read Ariun Bible 2013 – Ариун Библи 2013 Соломоны дуун 6 Bible Online

Соломоны дуун 6 - Ariun Bible 2013 – Ариун Библи 2013 bible

Соломоны дуун 6

¹Бүсгүйчүүлийн дундаас бүр сайхан минь ээ Янаг чинь хаашаа одоо вэ? Ямар замаар ороо вэ? Явж хамтдаа эрэх үү дээ.

²—Үнэн хайр минь цэцэрлэгрүүгээ Үнэрт цэцэгсийн мандалруугаа Цэцэрлэгт сүргээ бэлчээрлүүлж Цэцэгс сарааныг түүхээр орсон.

³Хайрт минь минийх Харин би түүнийх Сараануудын дундуур сүргээ тэр бэлчээнэм.

⁴—Амраг минь Тирзатай адилхан чи жавхаатай Иерусалимын ижил ээнэгшмээр Тугт цэрэг мэт тун ч сүрдмээр

⁵Надаас харцаа холдуулаач Намайг тэр чинь балмагдуулж байна Гилеадаас уруудах ямаан сүргийг Үс чинь эрхгүй санагдуулж байна

⁶Хяргуулаад сая угаалгаас гарсан хонин сүрэг мэт шүдтэй Эдний дунд хурга хаясан нь үгүй Ихрийг бүгд тээсэн гэлтэй

⁷Хацар шанаа нь гивлүүр цаанаа Анар жимсний зүсэм аятай.

⁸Жарын жаран хатан, наян татвар эм Үй олон шивэгчин байгаа ч

⁹Тагтаахан минь, өөгүйхэн минь ганцхан Төрсөн эхийнхээ энхэрхэн минь Төрүүлсэн тэрнийхээ цэвэрхэн минь Түүнийг үзээд шивэгчингүүд жаргалтайгаар нь дуудна Татвар эмс, хатад түүнийг тал өгөн магтана.

¹⁰Үүрийн туяа шиг үзэгдэх Саран адил тунгалаг наран ижил өнгөлөг Тугт цэрэг мэт сүрдэм тун ч сайхан нь хэн юм?

¹¹Хөндийн ногоо дэлгэрэхийг харж Усан үзэм цэцэглэж үү Анарын мод нахиалж уу үзэхээр Самрын цэцэрлэгт орж явчихав, би.

¹²Сэтгэл бодол минь намайг Сэхээ өгөлгүй хөтөлж Сэнтийтний тэргэнд суулгавай.

¹³Буцаад ир, Шулаамын охин, буцаад ир Буцаад ир, бид чамайг харцгаая, буцаад ир. —Хоёр хуарангийн өмнөх бүжиг үзэх лугаа Та нар юунд Шулаамын охиныг ширтнэм бэ?