Read Ariun Bible 2013 – Ариун Библи 2013 Соломоны дуун 8 Bible Online

Соломоны дуун 8 - Ariun Bible 2013 – Ариун Библи 2013 bible

Соломоны дуун 8

¹Ээ дээ, чи минь ахтай минь адил Ижийн минь мөөмийг хөхсөн ч болоосой! Ил гадаа таарлаа ч чамайг би үнсэхсэн Ингэв гээд хэн ч намайг эс жигшихсэн

²Чамайг би дагуулж ижийнхээ гэрт ч очуулахсан Намайг төрүүлсэн нэгний өргөө гэрт оруулахсан. Анхилуухан дарсыг бас анарынхаа шүүсийг уулгахаар өгөхсөн

³Зүүн гараа тэр толгой дор минь ивээд л Зөв гар нь намайг тэврэнхэн илбээд л.

⁴Иерусалимын охид оо, Таашаал дурыг, бэлэн болтол нь битгий өдөөж сэрээ.

⁵Эзгүй хээрээс хайртаа түшсээр Ирж яваа тэр хэн бэ? —Эх чинь чамтай зовж байсан Энэ эмэгтэй чамайг зовж төрүүлсэн Энэ л алимын модон дор чамайгаа би сэргээв биш үү.

⁶Тамга болгож зүрхэндээ намайг тавиач Гар дээрх тамгаа болгооч. Юун гэвэл хайр үхэл шиг хүчтэй Тачаал бол Үхэгсдийн орон шиг хэцүү. Түүний дөл түймрийн дөл Дүрсхийн асах галын дөл.

⁷Их усан гэвч хайрыг унтрааж эс дийлэх Үер усан гэвч үүнийг живүүлж үл чадах Хайрын тулд хамаг гэр хөрөнгөө хэн нэгэн өргөлөө ч гэсэн Хайхралыг хэрхэвч эс үзэх.

⁸Өртөж үзэгдэх хөх үгүй өчүүхэн дүүдэй бидэнд бий Түүнийхээ талаар ярилцах өдөр ирэхэд Дүүгийнхээ төлөө яавал бид зохилтой.

⁹Хана байсан бол дээгүүр нь мөнгөн цайз барихсан Хаалга юмсан бол түүнийгээ хушин банзаар бүрэхсэн.

¹⁰Амар тайвныг авагч нэгний Алаг хоёр нүдэнд нь Хана хэрэм байлаа, би Харин хөх минь цамхаг боллоо.

¹¹Соломон Баал-хамонд усан үзмийн цэцэрлэгтэй ажээ. Мянга мянган мөнгийг жимсний нь төлөө өгдөг Манаач нарт түүнээ даатгажээ.

¹²Өөрийн минь бие үзмийн цэцэрлэг өөрөө би энэ байна Өө яахав, Соломон танд мянга нь байг Үр жимсний манаач нарт хоёр зуу нь очиг.

¹³Цэцэрлэгт суугч минь, дуу хоолойг чинь найз нөхөд маань сонсном Дуулгаж сонсгоорой бас надад.

¹⁴Янаг минь чи яарч үзээрэй Анхил үнэртний уулс дээрээ Танхил буга, гөрөөс мэт байгаарай!