Read Ariun Bible 2013 – Ариун Библи 2013 Исаиа 17 Bible Online

Исаиа 17 - Ariun Bible 2013 – Ариун Библи 2013 bible

Исаиа 17

¹Дамаскийн тухай зөн. —Үзэгтүн, Дамаск хот байхаа больж, Эвдэрсэн нуранги болно.

²Ароерын хотууд орхигдож, Мал сүргийн хэвтэр болно. Тэнд хэн ч тэднийг цочирдуулахгүй.

³Ефраимын бэхлэгдсэн хот, Дамаскийн хэмжээлшгүй эрх мэдэл арилж, Арамын үлдэгсэд Израилийн хөвгүүдийн цог жавхлантай адил болно гэж Түг түмдийн ЭЗЭН тунхаглав.

⁴—Тэр өдөр, Иаковын цог жавхлан ч буурч, Тарган бие нь туранхай болно.

⁵Энэ нь тариачин тариаг хураахтай, Рефаимын хөндийд тариан түрүүг түүхтэй адил байх болно.

⁶Чидун жимсний модыг цохиход Орой дээрх мөчирт хоёр гурван чидун, Жимсний модны салаанд дөрөв, тав үлдэх адил Дахин хураахад тэнд үлдэнэ гэж Израилийн Бурхан, ЭЗЭН зарлиг болов.

⁷Тэр өдөр хүн Бүтээгч өөдөө хандаж, нүд нь Израилийн Ариун Нэгэн өөд харна.

⁸Тэр өөрийн гарын бүтээл болох тахилын ширээнүүдээ эс ойшооно. Хуруугаараа үйлдсэн юмсаа ч, Ашерагийн модон шон, утлагын тавиурыг ч үл харна.

⁹Тэр өдөр хүчирхэг хотууд нь ойн дундах мартагдсан газар мэт, Израилийн хөвгүүдээс болж хаягдсан мөчир мэт болно. Тэнд зэлүүд байх болно.

¹⁰Учир нь чи авралынхаа Бурханыг умартан, Хоргодох газрынхаа хадыг эс санав. Түүнчлэн чи дур булаам ургамлууд тарьж, Харийн усан үзмийн нахиаг суулгажээ.

¹¹Тэр өдөр чи тэднийг ургуулахаар суулгавч, Гашуудлын гаслант өдөр тэр ургац юу ч биш болно.

¹²Хөөрхий еэ, олон хүний хөл үймээн Далайн хүрхрэн шуугих дуу мэт ширүүсэж, Үндэстнүүдийн дуу чимээ их усны шуугиан мэт нүргэлж байна.

¹³Үндэстнүүдийн дуу их усны шуугиан мэт нүргэлж байна. Харин Тэр тэднийг зэмлэхэд л Тэд алс хол зугтаж, Салхинд хийссэн уулан дахь хэвэг, Шуурганд хуйлрах хамхуул лугаа адил туугдах болно.

¹⁴Харагтун, үдшийн цагт аллага хядлага болж, Өглөө болохоос өмнө тэд алга болно. Энэ нь дээрэмдэгчдийн хувь, Биднийг тоногчдын шавга байх болно.