Read Ariun Bible 2013 – Ариун Библи 2013 Исаиа 47 Bible Online

Исаиа 47 - Ariun Bible 2013 – Ариун Библи 2013 bible

Исаиа 47

¹Онгон охин Вавилон оо, Доош бууж шороон дээр суугтун. Халдеи охин оо, Сэнтий байхгүй газар дээр суу. Чамайг цаашид булбарай, туяхан гэж дуудахгүй.

²Тээрмийн чулуу авч тариа тээрэмд. Гивлүүрээ авч, банзлаа сөхөж, Гуяа нүцгэлж гол гатлагтун.[24]

³Нүцгэн бие чинь ил гарч, Ичгүүр чинь ч бас үзэгдэх болно. Нэг ч хүнийг өршөөхгүйгээр Би өшөө авна.”

⁴Түг түмдийн ЭЗЭН хэмээх нэртэй Бидний Аврагч Израилийн Ариун Нэгэн болой.

⁵“Халдеи охин оо, Дуугүй суу, харанхуй уруу яв. Чамайг цаашид Хаанчлалуудын эзэгтэй гэж дуудахгүй.

⁶Би ард түмэндээ хилэгнэн Өв залгамжлалаа жигшиж, Би тэднийг чиний гарт өгөв. Чи тэдэнд өршөөл үзүүлсэнгүй, Бүр өтгөст ч хүнд буулгыг үүрүүлэв.

⁷Тэгээд чи «Би мөнхөд эзэгтэй байх болно» гэж хэлээд, Эдгээр зүйлсийг зүрхэндээ оруулж, Эцэс төгсгөлийг санасангүй.

⁸Амарлингуй суугаад, «Би, надаас өөр алга. Би бэлэвсэн эмэгтэй шиг суухгүй, Хүүхдээ алдахыг ч үзэхгүй» гэж Зүрхэндээ өгүүлэгч тачаангуй нэгэн ээ, Одоо сонсогтун.

⁹Хүүхдээ алдах, бэлэвсрэх нь Нэг л өдөр чам дээр хоёулаа гэнэт ирнэ. Чиний илбэ арвин их, Ид шид чинь агуу хүчтэй ч Энэ бүхэн бүрэн хэмжээгээр чам дээр ирнэ.

¹⁰Хилэнцэт явдалдаа чи найдан «Хэн ч намайг харахгүй» гэж хэлэв. Чиний мэргэн ухаан, мэдлэг чинь чамайг төөрөгдүүлж «Би, надаас өөр алга» гэж Чи зүрхэндээ хэлжээ.

¹¹Гэвч хаанаас гарч ирснийг нь мэдэхгүй Ёрын муу юм чам дээр ирнэ. Зайлуулж чадахааргүй гай гамшиг Чам дээр унана. Чиний мэдэхгүй сүйрэл Гэнэт чам дээр ирнэ.

¹²Залуу наснаасаа хийж ирсэн илбэ, Арвин их ид шид дотроо чи одоо зогс. Чи ашиг олж юуны магад, Чи цочирдуулж ч болох юм.

¹³Чи олон зөвлөгөөнөөсөө болж туйлджээ. Зурхайчид, оддоор эш үзүүлэгчид, Шинэ сараар мэргэлэгчид одоо босож, Чам дээр ирэх юмнаас чамайг авраг.

¹⁴Үзэгтүн, тэд сүрэл мэт болж, галд шатна. Тэд өөрсдийгөө галын дөлнөөс аварч чадахгүй. Дулаацах нүүрс ч, өмнө нь суух гал ч үгүй болно.

¹⁵Залуу наснаас чинь хамт Арилжаа хийж, хамт хөдөлмөрлөгчид чинь Тийм л байна. Хүн бүр өөрийнхөө хэсэгт тэнүүчлэх бөгөөд Чамайг хэн ч аврахгүй.”