Read Ariun Bible 2013 – Ариун Библи 2013 Исаиа 56 Bible Online

Исаиа 56 - Ariun Bible 2013 – Ариун Библи 2013 bible

Исаиа 56

¹ЭЗЭН ингэж айлдаж байна. “Шударга ёсыг сахин зөвийг үйлдэгтүн. Учир нь аврал минь ирэхэд, Зөвт байдал минь илэрхийлэгдэхэд ойр байна.

²Үүнийг үйлдэгч хүн, Үүнээс зуурагч нэгэн, Амралтын өдрийг бузарлалгүй сахигч, Аливаа ёр мууг үйлдэхээс гараа татагч нь ерөөлтэй еэ!”

³ЭЗЭНтэй нэгдсэн гаднынхан “ЭЗЭН намайг ард түмнээсээ салгана” гэж бүү хэлэг. Тайган хүн ч “Үзэгтүн, би хувхайрсан мод” гэж бүү хэлэг.

⁴Учир нь ЭЗЭН үүнийг айлдав. “Амралтын өдрийг минь сахин Надад тааламжтайг сонгож, Гэрээг минь чандалдаг тайган хүмүүст

⁵Би гэрийнхээ дотор ханануудынхаа дунд Хөвгүүд охидынхоос ч илүү сайн гар ба нэрийг өгнө. Би тэдэнд усташгүй, мөнхийн нэр өгнө.

⁶ЭЗЭНд үйлчилж, ЭЗЭНий нэрийг хайрлан Зарц нь болохын тулд Түүнтэй нэгдсэн гаднынхныг, Амралтын өдрийг бузарлалгүй сахин Гэрээг минь чандлах хүн бүрийг

⁷Би ариун ууландаа аваачин Залбирлын гэртээ тэднийг баяр хөөртэй болгоно. Миний гэр бүх ард түмний залбирлын гэр гэж нэрлэгдэх учраас Тэдний шатаалт тахил, нядлах тахилууд нь Тахилын ширээн дээр минь тавигдана.”

⁸Тарж бутарсан израильчуудыг цуглуулагч Эзэн БУРХАН тунхаглаж байна. “Түүнд хэдийнээ цугларагсад дээр Би бусдыг бас цуглуулна.”

⁹Хээрийн бүх араатан аа, Ойн бүх амьтад аа, Идэхээр ирэгтүн.

¹⁰Харуулууд нь сохор, Тэд бүгд юу ч мэдэхгүй. Тэд бүгд унтаж хэвтдэг, Зүүрмэглэх дуртай, хуцах чадваргүй хэлгүй ноход юм.

¹¹Тэд цадахаа мэддэггүй, шуналтай ноход. Тэд ухаангүй хоньчид. Тэд бүгд өөр өөрсдийн мөрөө хөөн Хүн бүр шударга бус олзоо, эцсийн ашгаа эрнэ.

¹²“Ирэгтүн. Би дарс авчирч, согттолоо сархад ууцгаая. Маргааш ч өнөөдөр шиг, Бүр ч элбэг байх болно” гэж тэд хэлдэг.