Read Ariun Bible 2013 – Ариун Библи 2013 Исаиа 57 Bible Online

Исаиа 57 - Ariun Bible 2013 – Ариун Библи 2013 bible

Исаиа 57

¹Зөвт хүн мөхөх бөгөөд Үүнийг хэн ч зүрхэндээ авдаггүй. Энэрэлт хүмүүсийг авч явахад Хэн ч үл ойлгоно. Учир нь зөвт хүнийг муугаас холдуулж,

²Амар тайванд тэрээр орно. Зөв замаар явагч Тэд бүгд хэвтрүүд дээрээ амарна.

³Харин илбэчин эмийн хөвгүүд, Завхайрагч садар самуун эмийн үр удам аа, Нааш ирэгтүн.

⁴Та нар хэнийг шоолж байна вэ? Хэний эсрэг амаа томоор ангайлгаж, Хэлээ гаргана вэ? Та нар гэмт үйлдлийн хүүхдүүд, Худал хуурмагийн үр удам бөгөөд

⁵Царс моддын дунд, Ногоон мод бүрийн доор Шүтээнүүдтэйгээ дүрэлзэн шатаж, Гуу жалганд, хавцлын ан цавд хүүхдүүдээ алдаг биш үү?

⁶Гуу жалгын гөлгөр чулуунуудын дундах нь чиний хувь юм. Тэд, зөвхөн тэд чиний шавга мөн. Чи тэдэнд л ундаан өргөл асгаж, Идээн өргөл өргөсөн билээ. Үүнд чинь Би санаа амрах болж байна уу?

⁷Өндөр, сүрлэг уулан дээр чи ороо засаж, Тахил өргөхөөр тийшээ гарсан.

⁸Хаалга хатавчнуудын ард чи Тэмдгүүдээ тавьжээ. Үнэндээ Надаас эргэн чи биеэ нүцгэлж Дээш гарч, ороо өргөсгөн Тэдэнтэй тохиров. Чи тэдний оронд дуртай, Чи тэдний нүцгэнийг харсан.

⁹Чи хаан уруу тостой очиж, Үнэртнээ нэмэгдүүлсэн. Чи элчингүүдээ алс хол газар илгээн Үхэгсдийн орон уруу буулгасан.

¹⁰Замын уртад чи туйлдсан ч “Найдлага үгүй” гэж хэлээгүй. Гарт чинь амь олдсоор байгаа учраас Чи доройтоогүй л байна.

¹¹Намайг санаагүй, Намайг бодоо ч үгүй худал хэлж байхдаа чи Хэнээс чи зовниж, хэнээс эмээсэн бэ? Би эртнээс хойш чимээгүй байсны улмаас Чи Надаас эмээхгүй болсон уу?

¹²Би чиний зөвт байдал, үйлсийг чинь тунхаглана. Гэвч тэдгээр нь чамд ашиггүй.

¹³Орилж байхад чинь Бүлэглэл чинь чамайг авраг! Салхи тэд бүгдийг чинь хийсгэж, Үлээх агаар тэднийг авна. Харин Надад хоргодогч нь газрыг өвлөн Ариун уулыг минь эзэмшинэ.

¹⁴Босгогтун, босгогтун. Замыг бэлтгэгтүн. Ард түмний минь замаас саадыг зайлуул гэж хэлэгдэх болно.

¹⁵Ариун хэмээх нэртэй, мөнх амьдрагч, Өндөрт өргөмжлөгдсөн Нэгэн ийн айлдав. “Сүнсэндээ дарууг нь сэргээхийн тулд, Зүрхнээсээ гэмшсэнийг нь сэргээхийн тулд Сүнсэндээ даруутай нь, гэмшсэн нэгэнтэй нь Би өндөрт, ариун газарт оршдог.

¹⁶Би мөнхөд заргалдахгүй, Үргэлж ууртай байхгүй. Эс тэгвэл сүнснүүд ч, Миний бүтээсэн амьсгалууд ч Өмнө минь сульдах болно.

¹⁷Шунал хэмээх хилэнцээс нь болж Би хилэгнэн түүнийг цохив. Би өөрийгөө нууж, уурлаж байлаа. Гэсэн ч тэр эргэн зүрхнийхээ замаар явжээ.

¹⁸Би замыг нь үзсэн бөгөөд түүнийг эдгээнэ. Би түүнийг удирдаж, түүнийг хийгээд гашуудагсдыг нь тайвшруулан сэргээж,

¹⁹Уруулын үр жимсийг бүтээнэ. Амар тайван, амар тайван Хол ойрынхонд байх болтугай. Би түүнийг эдгээнэ” гэж ЭЗЭН айлдаж байна.

²⁰Гэвч буруутууд дайвалзах далай мэт, Тэр нь дөлгөөн байж эс чадах агаад Хог шавраа ус нь гаргаж шидэлдэг.

²¹“Буруутуудад амар тайван үгүй” гэж Бурхан минь айлдаж байна.