Read Ariun Bible 2013 – Ариун Библи 2013 Гашуудал 5 Bible Online

Гашуудал 5 - Ariun Bible 2013 – Ариун Библи 2013 bible

Гашуудал 5

¹ЭЗЭН, бидэн дээр юу унасныг санаач, Хэрхэн зэмлэгдсэнийг маань үзээч!

²Харийнхан уруу өв маань эргэж, Гаднынхан орон гэрүүдэд маань очжээ.

³Эцэггүй өнчин болов, бид чинь. Эхчүүд маань бэлэвсрэв.

⁴Усаа хөлс төлж ууна, түлээгээ үнээр авна.

⁵Мөшгөгчид шил даран хөөнө. Амсхийхгүй байсаар бид туйлдана.

⁶Хүрэлцэхүйц талх олох гэж Египет, Ассирид захирагдав.

⁷Өдгөөг үзээгүй эцэг өвгөдийн нүгэл энэ гайг авчрав. Өнөө бид шийтгэлийг нь үүрэн тэмтчиж байна.

⁸Боолууддаа ноёрхуулав. Гараас нь биднийг салгах хүн ч алга.

⁹Цөл дэх илд хурц тул Талх тариа авах нь амь өрссөн ажил болов.

¹⁰Ган гачгийн төөнөм халуун зуухны улмаас Бидний арьс харлав.

¹¹Сионд эмэгтэйчүүд, Иудагийн хотуудад онгон охид маань хүчиндүүлэв.

¹²Хан хөвгүүд гараасаа дүүжлүүлж, Ахмадууд минь эс хүндлэгдэв.

¹³Залуу эрс тээрэмд зүтгэв. Бага залуус гуалин мод үүрч гуйвав.

¹⁴Ахмадууд гулдан хаалгануудаас, Залуус хөгжмөөсөө холдов.

¹⁵Зүрхний баяр хөөр маань зогсов. Бүжиг маань халаглалаар солигдов.

¹⁶Толгойноос маань титэм унав. Бид нүгэл үйлдсэн тул золгүй еэ!

¹⁷Иймд зүрх маань зовуурлав. Тиймд нүд маань сүүмийв.

¹⁸Сион уул эзгүйрч Цөөвөр чононууд холхив.

¹⁹ЭЗЭН, харин Та мөнхөд захирдаг. Хаан сэнтий тань үеэс үед оршдог.

²⁰Юунд Та биднийгээ ор тас мартав? Юунд Та биднийгээ удаан орхино вэ?

²¹Биднийгээ сэргээхийн тулд, ЭЗЭН, Биднийг Өөртөө сэргээгээч. Урьдын өдрүүд шигээ шинэчлээч.

²²Биднээс бүрмөсөн татгалзаагүй ч Бидэнд ихээр уурласан билээ.