Read Ariun Bible 2013 – Ариун Библи 2013 Езекиел 19 Bible Online

Езекиел 19 - Ariun Bible 2013 – Ариун Библи 2013 bible

Езекиел 19

¹Чиний хувьд, Израилийн ноёдын төлөө гашуудлыг дуулж,

²“Эх чинь арслангуудын дунд Ямар эрслэн байсан гээч! Гүегүүдээ өсгөхдөө тэрээр залуу арслангуудын дунд хэвтэж,

³Гүегүүдээсээ нэгийг өсгөсөнд тэр нь арслан болж, олзоо тасчихыг сурчээ. Хүмүүсийг тэр идэхэд

⁴Үндэстнүүд түүний тухай сонсож, Тэдний нүхэнд тэрээр унан баригдахад Түүнийг дэгээгээр чирч, Египетийн газарт авчрав.

⁵Эрслэн хүлээж цөхрөөд, найдвар нь алдагдсаныг мэдэхдээ, Тэрээр гүегүүдээсээ өөр нэгийг авч, залуу арслан болгов.

⁶Тэр арслангуудын дундуур хэрэн явжээ. Тэр залуу арслан болоод, олзоо тасчихыг сурчээ. Тэр хүмүүсийг идэв.

⁷Тэр бэхлэгдсэн цамхгуудыг нь нурааж, Хотуудыг нь балгас болгов. Түүний архирах дуунаас болж, Газар хийгээд түүгээр дүүрэн буй юмс балмагджээ.

⁸Дараа нь үндэстнүүд мужуудаасаа, Бүх талаас түүний эсрэг дайрч, түүн дээр тороо хаяв. Арслан нүхэнд нь унаж баригдахад

⁹Тэд түүнийг дэгээтэй торонд хийгээд, Вавилоны хаанд аваачив. Дууг нь Израилийн ууланд дахин сонсогдуулахгүйн тулд Тэд түүнийг агнуурын торонд оруулав.

¹⁰Эх чинь усан үзмийн төгөлд усны дэргэд суулгасан Усан үзмийн мод адил байжээ. Бялхам их устай учир энэ нь ургац ихтэй, сагсайсан мөчрүүдтэй байв.

¹¹Тэр нь захирагчдын очирт таяг болохуйц хүчит мөчрүүдтэй байсан, Түүний өндөр нь үүлнээс дээгүүр өргөгдсөн. Бөөн мөчрүүдтэйгээ бүр илүү өндөр үзэгдэж байсан.

¹²Гэвч тэр нь хилэнгээр сугалагдав. Тэр нь газарт хаягдав. Дорнын салхи түүний жимсийг хатаажээ. Түүний хүчит мөчир ч хугалагдсанаар хувхайрав. Гал түүнийг шатаажээ.

¹³Одоо тэр нь цөлд, хуурай, ангасан газарт суулгагджээ.

¹⁴Түүний мөчрөөс гал гарч, Залуу мөчир ба жимсийг нь шатаав. Ингэснээр түүнд захирагчийн очирт таяг Хүчит мөчир байхгүй болов.” Энэ бол гашуудал бөгөөд гашуудалд зориулагдав.