Read Ariun Bible 2013 – Ариун Библи 2013 Езекиел 35 Bible Online

Езекиел 35 - Ariun Bible 2013 – Ариун Библи 2013 bible

Езекиел 35

¹Түүнээс гадна ЭЗЭНий үг надад ирж —

²Хүний хүү, Сеир уулын эсрэг нүүрээ чиглүүлж, түүний эсрэг эш үзүүлэн

³түүнд “Эзэн БУРХАН ингэж айлдаж байна. «Сеир уул аа, харагтун, Би чиний эсрэг байна. Би чиний эсрэг мутраа сунгаж, Чамайг эзгүйрүүлж хоосруулна.

⁴Би хотуудыг чинь балгас болгож, Чи эзгүйрэх болно. Тэгээд чи Намайг ЭЗЭН мөн гэдгийг мэдэх болно.

⁵Чамд үүрдийн дайсагнал байсан бөгөөд чи Израилийн хөвгүүдийг гай гамшгийнх нь үед, эцсийн шийтгэлийн үед илдний хүчинд тушаасан учир

⁶«Би амьд!» гэж Эзэн БУРХАН тунхаглаад “Би чамайг цус урсгалтад тушаан цус урсгалт чамайг мөрдөх болно. Чи цус урсгалтыг үзэн ядаагүй болохоор цус урсгалт чамайг мөшгөх болно.

⁷Би Сеир уулыг эзгүйрүүлэн хоосруулж, түүгээр дайран өнгөрөгч болон буцагчдыг түүнээс таслах болно.

⁸Би уулсыг нь тэдний үхдэлээр дүүргэнэ. Илдэнд алагдагсад чиний толгод, хөндий, бүх жалганд чинь унах болно.

⁹Би чамайг үүрдийн хоосрол болгож, хотууд чинь дахин оршин суугчидтай болохгүй. Тэгэхэд та нар Намайг ЭЗЭН мөн гэдгийг мэдэх болно.

¹⁰Хэдийгээр ЭЗЭН тэнд байсан боловч чи “Энэ хоёр үндэстэн, энэ хоёр нутаг нь минийх болж, бид тэднийг эзэмшинэ” гэж хэлсэн учраас

¹¹«Би амьд!» гэж Эзэн БУРХАН тунхаглаад «Тэднийг үзэн ядсанаас болж чиний үзүүлсэн уур хилэн, атаа жөтөөний чинь дагуу Би чамтай харьцах болно. Чамайг шүүх цагт Би тэдний дунд Өөрийгөө мэдүүлэх болно.

¹²Чи Израилийн уулсын эсрэг “Тэд хоосорч, бидний идэш болон өгөгдсөн” гэж хэлсэн бүх басамжлалыг чинь ЭЗЭН Би сонссон гэдгийг чи тэгэхэд мэдэх болно.

¹³Та нар Миний эсрэг бардамнан ярьж, Миний эсрэг үгсээ олшруулсан. Би сонссон билээ» гэв.

¹⁴Эзэн БУРХАН ийн айлдахдаа «Бүх дэлхий баярлаж байгаатай адил Би чамайг эзгүйрүүлэх болно.

¹⁵Израилийн гэрийн өв хоосорсонд чи баярласантай адил Би чамд түүнчлэн үйлдэх болно. Сеир уул аа, Едом бүхлээрээ, та нар хоосрох болно. Тэгэхэд тэд Намайг ЭЗЭН мөн гэдгийг мэдэх болно» гэжээ.”