Read Ariun Bible 2013 – Ариун Библи 2013 Езекиел 48 Bible Online

Езекиел 48 - Ariun Bible 2013 – Ариун Библи 2013 bible

Езекиел 48

¹Овгуудын нэр нь эдгээр юм. Хойд хязгаараас, Хетлоны замаар Лебохамат уруу Дамаскийн хил дэх Хазар-енаныг хүртэл, Хаматын хажуугаар хойшоо, зүүнээс баруун тийш үргэлжлэх нь Даных бөгөөд нэгэн хувь юм.

²Даны хилийн хажуугаар зүүн талаас баруун тал хүртэл, Ашерынх бөгөөд нэгэн хувь юм.

³Ашерын хилийн хажуугаар зүүн талаас баруун тал хүртэл Нафталийнх бөгөөд нэгэн хувь юм.

⁴Нафталийн хилийн хажуугаар зүүн талаас баруун тал хүртэл Манассегийнх бөгөөд нэгэн хувь юм.

⁵Манассегийн хилийн хажуугаар зүүн талаас баруун тал хүртэл Ефраимынх бөгөөд нэгэн хувь юм.

⁶Ефраимын хилийн хажуугаар зүүн талаас баруун тал хүртэл Реубенийх бөгөөд нэгэн хувь юм.

⁷Реубений хилийн хажуугаар зүүн талаас баруун тал хүртэл Иудагийнх бөгөөд нэгэн хувь юм.

⁸Иудагийн хилийн хажуугаар зүүн талаас баруун тал хүртэл та нарын тусгаарлах ногдол газар, хорин таван мянган тохой өргөн, урт нь зүүн талаас баруун тал хүртэл нэг хувь газрынхтай адил билээ. Ариун газар нь түүний төвд байх ёстой.

⁹Та нарын ЭЗЭНд тусгаарлах ногдол газар нь хорин таван мянган тохой урт, арван мянган тохой өргөн байх ёстой.

¹⁰Ариун ногдол нь эдгээрийн төлөө, тухайлбал тахилч нарын төлөө бөгөөд хойшоо хорин таван мянган тохой урттай, баруун тийш арван мянган тохой өргөнтэй, зүүн тийш арван мянган тохой өргөнтэй, урагшаа хорин таван мянган тохой урттай байх болой. ЭЗЭНий ариун газар нь түүний төвд байх ёстой.

¹¹Израилийн хөвгүүдийг төөрөх үед левичүүдийн төөрсөн шиг төөрч явалгүй, Миний үүргийг сахисан Задокийн хөвгүүдийн ариусгагдсан тахилч нарт үүнийг зориул.

¹²Энэ нь газрын ногдлоос тэдэнд зориулагдсан ногдол буюу ариунаас ариун газар бөгөөд левичүүдийн хилийн дагуу байх ёстой.

¹³Тахилч нарын хилийн хажуугаар левичүүдэд хорин таван мянган тохой урт, арван мянган тохой өргөн газар байх болой. Бүх урт нь хорин таван мянган тохой, өргөн нь арван мянга байх ёстой.

¹⁴Түүнээс гадна, тэд үүнийхээ алийг нь ч худалдаж эсвэл сольж болохгүй. Эсвэл газрын энэ шилмэл хувийг бусдад дамжуулж болохгүй. Учир нь энэ нь ЭЗЭНд ариун.

¹⁵Үлдсэн таван мянган тохой өргөн, хорин таван мянган тохой урт газар нь хотын нийтийн хэрэглээнд, сууц, задгай бэлчээр газруудад зориулагдах болой. Хот нь түүний төвд байх ёстой.

¹⁶Түүний хэмжээ нь эдгээр байх болой. Хойд талд дөрвөн мянга таван зуун тохой, өмнөд талд дөрвөн мянга таван зуун тохой, зүүн талд дөрвөн мянга таван зуун тохой, баруун талд дөрвөн мянга таван зуун тохой байна.

¹⁷Хотод задгай бэлчээр газрууд байх болой. Хойно нь хоёр зуун тавин тохой, өмнө талд хоёр зуун тавин тохой, зүүн талд хоёр зуун тавин тохой, баруун талд хоёр зуун тавин тохой байна.

¹⁸Ариун ногдлын хажуугаар уртаараа үлдсэн газар нь зүүн тал уруу арван мянган тохой, баруун тийш арван мянган тохой байх болой. Тэр нь ариун ногдлын хажуугаар байх ёстой. Түүний ургац нь хотын хөдөлмөрчдийн хүнс болой.

¹⁹Израилийн бүх овгоос гарсан хотын хөдөлмөрчид үүнийг хагалах ёстой.

²⁰Ариун ногдол нь бүхэлдээ хорин таван мянгыг харьцах нь хорин таван мянган тохой байх болой. Та нар ариун ногдол болох дөрвөлжин талбайг хотын эзэмшилтэй хамт тусгаарлах ёстой.

²¹Ариун ногдол мөн хотын эзэмшлийн нэг тал ба нөгөө талд үлдэх газар ноёных болой. Ногдлын хорин таван мянган тохойн урд талд зүүн хил хүртэл баруун тийш, хорин таван мянган тохойн урд талд баруун хил хүртэл, хувиудын хажуугаарх нь ноёных байх болой. Ариун ногдол ба өргөөний ариун газар нь түүний голд байх ёстой.

²²Ноёнд харьяалагдах газрын голд буй левичүүдийн эзэмшил, хотын эзэмшлээс бусад нь, Иудагийн хил, Бениамины хилийн хоорондох бүх юм ноёных байх ёстой.

²³Үлдсэн овгуудын хувьд, зүүн талаас баруун тал хүртэл Бениаминых бөгөөд нэг хувь юм.

²⁴Бениамины хилийн хажуугаар зүүн талаас баруун тал хүртэл Симеоных бөгөөд нэг хувь юм.

²⁵Симеоны хилийн хажуугаар зүүн талаас баруун тал хүртэл Иссахарынх бөгөөд нэг хувь юм.

²⁶Иссахарын хилийн хажуугаар зүүн талаас баруун тал хүртэл Зебулуных бөгөөд нэг хувь юм.

²⁷Зебулуны хилийн хажуугаар зүүн талаас баруун тал хүртэл Гадынх бөгөөд нэг хувь юм.

²⁸Гадын хилийн хажуугаар өмнө талд урагшаа хил нь Тамараас Мерибат-кадешийн ус, Египетийн горхи ба Их Тэнгис хүртэл байх ёстой.

²⁹Израилийн овгуудад өв болгон та нарын шавга орхиж хуваах газар энэ юм. Эдгээр нь тэдний хувь гэж Эзэн БУРХАН тунхаглаж байна.

³⁰Хотын гарах хаалга нь эдгээр юм. Хойд тал нь дөрвөн мянга таван зуун тохой хэмжээтэй бөгөөд

³¹хотын хаалганууд нь Израилийн овгуудаар нэрлэгджээ. Хойд зүгт гурван гулдан хаалга буюу Реубений гулдан хаалга нэг, Иудагийн гулдан хаалга нэг, Левийн гулдан хаалга нэг байх болой.

³²Зүүн талд дөрвөн мянга таван зуун тохой бөгөөд гурван гулдан хаалга буюу Иосефын гулдан хаалга нэг, Бениамины гулдан хаалга нэг, Даны гулдан хаалга нэг байх болой.

³³Өмнө зүгт дөрвөн мянга таван зуун тохой хэмжээтэй бөгөөд гурван гулдан хаалга буюу Симеоны гулдан хаалга нэг, Иссахарын гулдан хаалга нэг, Зебулуны гулдан хаалга нэг байх болой.

³⁴Баруун талд дөрвөн мянга таван зуун тохой бөгөөд гурван гулдан хаалга буюу Гадын гулдан хаалга нэг, Ашерын гулдан хаалга нэг, Нафталийн гулдан хаалга нэг байх болой.

³⁵Хотын тойрог нь арван найман мянган тохой байх ёстой. Тэр өдрөөс хотын нэр нь “ЭЗЭН тэнд” гэж байх ёстой гэв.