Read Ariun Bible 2013 – Ариун Библи 2013 Хосеа 12 Bible Online

Хосеа 12 - Ariun Bible 2013 – Ариун Библи 2013 bible

Хосеа 12

¹Ефраим салхиар хооллон Дорнын салхийг үргэлж мөшгөж байна. Тэрээр заль мэх, хүчирхийллийг олшруулж байна. Тэр Ассиритай гэрээ байгуулж, Египет уруу тос зөөдөг.

²ЭЗЭН бас Иудатай заргалдаж, Иаковыг замуудынх нь дагуу шийтгэнэ. Тэр үйлдлүүдийнх нь дагуу Түүнд эргүүлэн төлөх болно.

³Хэвлийд байхдаа тэр ахыгаа өсгийнөөс нь барьж, Эрийн цээнд хүрээд Бурхантай тэмцэлдсэн.

⁴Тийм ээ, тэр тэнгэрэлчтэй барилдан дийлсэн. Тэрээр уйлан өршөөл гуйсан. Тэр Түүнийг Бетелд олоод Тэр тэнд бидэнтэй ярьсан.

⁵Тэр нь түг түмдийн ЭЗЭН Бурхан, Түүний дурсгалт нэр нь ЭЗЭН.

⁶Тиймээс Бурхандаа буц, Хайр энэрэл, шударга ёсыг сахиж, Үргэлж Бурханаа хүлээ.

⁷Гартаа хуурамч жинлүүртэй худалдаачин залилах дуртай.

⁸Ефраим “Үнэхээр би баян болсон. Би өөртөө эд баялгийг олсон. Бүх хүч хөдөлмөр дотор минь Нүгэл гэхээр хилэнцийг тэд надаас олохгүй” гэсэн.

⁹Гэвч Египет газарт байх үеэс Би Бурхан ЭЗЭН чинь байсан. Товлогдсон найрын өдрүүдийнх шиг Би та нарыг дахин майхнуудад амьдруулах болно.

¹⁰Би бас эш үзүүлэгчдэд айлдан Үзэгдлүүдийг олшруулсан. Эш үзүүлэгчдээр дамжуулан Би зүйр сануулгуудыг өгсөн.

¹¹Гилеадад ёс бус юм байна уу? Үнэхээр тэд хоосон юм. Гилгалд тэд бухнуудыг тахиж байна. Тийм ээ, тахилын ширээнүүд нь Тариан талбайн шангуудын хажуудах чулуун овоонууд шиг юм.

¹²Одоо Иаков, Арамын нутаг уруу зугтаж, Израиль эхнэрийнхээ төлөө ажилласан. Эхнэрийнхээ төлөө хонин сүргийг манасан.

¹³Харин эш үзүүлэгчээр дамжуулан, Израилийг Египетээс ЭЗЭН гаргаж, Эш үзүүлэгчээр дамжуулан тэр хамгаалагдсан.

¹⁴Ефраим гашуун уур хилэнг өдөөн хатгасан. Тиймээс Эзэн цусны бурууг өөр дээр нь орхиж, Зэмлэлийг нь өөрт нь буцааж өгнө.