Read Ariun Bible 2013 – Ариун Библи 2013 Хосеа 8 Bible Online

Хосеа 8 - Ariun Bible 2013 – Ариун Библи 2013 bible

Хосеа 8

¹Бүрээгээ амандаа! Гэрээг минь зөрчиж, хуулиас минь тэрсэлсэн учир ЭЗЭНий өргөөний эсрэг Бүргэд мэт дайсан ирж байна.

²“Бурхан минь, Таныг бид мэднэ, бид Израиль” гэж Тэд Над уруу хашхирч байна.

³Израиль сайнаас татгалзсан. Дайсан тэднийг хөөх болно.

⁴Тэд Надаас бус өөрсдөөсөө хаадыг залжээ. Тэд Надаас бус өөрсдөөсөө ноёдыг томилжээ Би үүнийг мэдсэнгүй. Мөнгө, алтаараа өөрсдөдөө Шүтээнүүдийг бүтээсэн ч тэд сөнөнө.

⁵Самари аа, тугал чинь хүлээн зөвшөөрөгдөхгүй, “Уур минь тэдний эсрэг шатна” хэмээв. Тэд хэдий хүртэл Зэмгүй цэвэр болох чадваргүй байх вэ?

⁶Учир нь энэ Израилиас гарсан! Дархан үүнийг хийсэн болохоор Энэ нь Бурхан биш. Үнэхээр Самарийн тугал бутран эвдэрнэ.

⁷Учир нь салхийг тарьдаг тэд Шуурга хурааж авдаг. Тариа нь түрүүгүй тул гурил эс гаргана. Хэрэв гаргах болвол Гаднынхан түүнийг нь залгина.

⁸Израиль залгигдлаа. Тэд одоо хэнд ч таалагддаггүй сав мэт Үндэстнүүдийн дунд байна.

⁹Учир нь тэд орь ганц хулан мэт Ассири уруу явжээ. Ефраим амрагуудыг хөлсөлжээ.

¹⁰Хэдийгээр тэд үндэстнүүдэд худалдагдсан ч Эдүгээ Би тэднийг цуглуулна. Хаад ноёдын дарлалаас болж Тэд тарчилж эхлэх болно.

¹¹Ефраим нүгэл үйлдэх гэж Тахилын ширээг олшруулсанд Тэдгээр нь түүнд нүглийн тахилын ширээнүүд болов.

¹²Түүнд Би тоо томшгүй хуулиа бичиж өгсөн боловч Тэдгээр нь гаднын зүйл мэт тооцогджээ.

¹³Миний өргөл тахилд Тэд махыг тахиж, түүнийгээ иддэг. Гэвч ЭЗЭН үүнийг нь эс таална. Одоо Тэр хилэнцийг нь санаж, Нүглийнх нь төлөө тэднийг шийтгэнэ. Тэд Египет уруу буцах болно.[8]

¹⁴Учир нь Израиль Бүтээгчээ мартаж, Орднуудыг байгуулсан. Иуда бас бэхлэгдсэн хотуудыг олшруулсан. Хотууд уруу нь Би гал илгээж Орднуудыг нь тэр түймэрдэх болно.