Read Ariun Bible 2013 – Ариун Библи 2013 Иоел 3 Bible Online

Иоел 3 - Ariun Bible 2013 – Ариун Библи 2013 bible

Иоел 3

¹Үзэгтүн, Иуда болон Иерусалимын хувь тавиланг сэргээх тэр өдрүүдэд болон цагт

²Би бүх үндэстнийг цуглуулан Иехошафатын хөндийд авчирна. Тэгээд Би ард түмнийхээ, Өөрийн өв Израилийн өмнөөс тэднийг тэнд шүүнэ. Тэд ард түмнийг минь үндэстнүүдийн дунд тараан газрыг минь хуваасан.

³Тэд бас ард түмний минь төлөө шавга орхиж, хөвгүүнийг янханд төлбөр болгон өгч, охиныг дарсныхаа төлөө худалдаж, согтуурав.

⁴Тир, Сидон, Филистийн бүх газар нутаг аа, та нар Миний хувьд юу юм бэ? Та нар Надад хариу төлөх гэж байна уу? Харин та нар Надад хариу төлөх аваас Би та нарын хариуг толгой дээр чинь үтэр түргэн буцаана.

⁵Та нар алт, мөнгийг минь авч, үнэт эрдэнэсийг минь сүмүүд уруугаа зөөн яваад,

⁶Иудагийн хөвгүүдийг, Иерусалимын хөвгүүдийг нутгаас нь зайлуулахын тулд тэднийг грекүүдэд зарсан учраас,

⁷үзэгтүн, тэднийг зарсан тэр газраас чинь Би тэднийг босгон үйлсийг чинь та нарын толгой дээр буцаах гэж байна.

⁸Мөн хөвгүүд, охидыг чинь Иудагийн хөвгүүдийн гарт Би зарна. Тэд тэднийг сабечууд буюу алс холын үндэстэнд зарна” гэв. Учир нь ЭЗЭН айлджээ.

⁹Үндэстнүүдийн дунд үүнийг тунхагла. Дайнд бэлтгэ. Хүчирхэг эрсийг босгогтун! Цэргүүд бүгд ойртон хөдлөгтүн!

¹⁰Анжсуудаа сэлэм, Хадууруудаа жад болгон давт. Сул дорой хүн “Би хүчирхэг хүн” гэж хэлэг.

¹¹Эргэн тойрны бүх үндэстнүүд ээ, Яаран ирж, цугларагтун. ЭЗЭН, Та хүчтэнүүдээ Тийш нь буулгаж өгөөч.

¹²Үндэстнүүдийг босгож, Иехошафатын хөндийд ирүүлэгтүн. Учир нь эргэн тойрны бүх үндэстнийг шүүхээр Би тэнд суух болно.

¹³Ургац боловсорсон тул хадуурыг оруулагтун. Дарсны шахуурга дүүрэн байгаа тул ирээд гишгэгтүн. Тэдний муу муухай нь асар их учраас Торхнууд сагаж байна.

¹⁴Шийдвэрлэх хөндийд бөөн хүмүүс байна! Учир нь ЭЗЭНий өдөр шийдвэрлэх хөндийд ойрхон байна.

¹⁵Нар, сар харанхуйлж, оддын гялбаа ч бөхнө.

¹⁶ЭЗЭН Сионоос хүрхэрч, Иерусалимаас дуугаа гаргаж байна. Тэнгэр, газар доргино. Гэвч ЭЗЭН бол ард түмнийхээ хоргодох газар, Израилийн хөвгүүдэд бат цайз болой.

¹⁷Тэгэхэд та нар Намайг Ариун уул Сиондоо оршигч, Бурхан ЭЗЭН чинь мөн гэдгийг мэдэх болно. Иймээс Иерусалим ариун болж, Харийнхан хойшид түүгээр дайрч өнгөрөхгүй.

¹⁸Тэр өдөр уулс шинэ дарсыг дуслуулж, Толгод сүүгээр урсаж, Иудагийн бүх горхинд ус урсах болно. ЭЗЭНий өргөөнөөс нэгэн булаг оргилж, Шиттимийн хөндийг усална.

¹⁹Египет сөнөмөл газар, Едом зэлүүд нутаг болно. Учир нь тэд Иудагийн хөвгүүдийг тарчлаан Нутагт нь гэмгүй цусыг урсгасан юм

²⁰Харин Иуда өнө мөнхөд, Иерусалим үеийн үед суурьшилтай байна.

²¹Би өшөө аваагүй цусных нь хариуг нэхнэ. Учир нь ЭЗЭН Сионд оршдог.