Read Ariun Bible 2013 – Ариун Библи 2013 Амос 3 Bible Online

Амос 3 - Ariun Bible 2013 – Ариун Библи 2013 bible

Амос 3

¹Израилийн хөвгүүд буюу Египетийн нутгаас Түүний авчирсан бүхэл гэр бүл та нарын эсрэг айлдсан ЭЗЭНий энэ үгийг сонс.

²“Газар дэлхийн бүх омогийн дундаас Би зөвхөн та нарыг сонгосон тул Хилэнц бүрийн чинь төлөө Би та нарыг шийтгэнэ”

³Тохиролцоогүй хоёр хамт алхах уу?

⁴Олзгүй арслан ойд архирах уу? Залуу арслан юу ч бариагүй атлаа Үүрнээсээ архирах уу?

⁵Оньсгүй аваас газарт буй урхинд шувуу орох уу? Юу ч баригдаагүй атал урхи нь газраас дээш өргөгдөх үү?

⁶Хотод бүрээ үлээвээс хүмүүс цочирдохгүй гэж үү? Хотод гай зовлон тохиолдвол Үүнийг ЭЗЭН хийсэн бус уу?

⁷Зарц нар, эш үзүүлэгчдэдээ нууцаа илчлэлгүйгээр Эзэн БУРХАН үнэхээр юу ч хийхгүй.

⁸Арслан архирахад Эмээхгүй хэн байх вэ? Эзэн БУРХАН айлдахад Эш үзүүлэхгүй байж хэн чадах вэ?

⁹Ашдодын цайзууд болоод Египет газар дахь цайзуудад зарлагтун. “Самарийн уулс дээр цуглар. Түүний доторх их үймээн самууныг, дунд нь буй дарлалыг үз.

¹⁰Гэвч тэд зөвийг хийхийг мэддэггүй” гэж ЭЗЭН тунхаглаж байна. “Тэд цайзууддаа хүчирхийлэл ба сүйрлийг нөөцөлжээ”

¹¹Тэгэхээр Эзэн БУРХАН Ийнхүү айлдаж байна. “Дайсан нутгийг чинь бүсэлж, Хүчийг чинь сулруулж, Цайзуудыг чинь тонох болно.”

¹²ЭЗЭН ийнхүү айлдаж байна. “Хоньчин арслангийн амнаас хоёр шийр, чихний тасархайг булаан авах шиг Самарид оршдог Израилийн хөвгүүдийг орны булан, дэвсгэрийн тасархайтай нь булаан авч одох болно.

¹³Сонс, Иаковын гэрийн эсрэг гэрчил” гэж Эзэн БУРХАН, түг түмдийн Бурхан тунхаглаж байна.

¹⁴Тэр өдөр Би Израилийн гэмт үйлдлийг шийтгэнэ Бас Бетелийн тахилын ширээнүүдийг ч шийтгэнэ. Тахилын ширээний эврүүд таслагдаж газарт унана.

¹⁵“Би өвлийн байшинг зуны байшинтай хамт цохих болно. Зааны ясан байшингууд бас сөнөж, олон байшинг эцэс болгоно” гэж ЭЗЭН тунхаглаж байна.