Read Ariun Bible 2013 – Ариун Библи 2013 Тооллого 1 Bible Online

Тооллого 1 - Ariun Bible 2013 – Ариун Библи 2013 bible

Тооллого 1

¹Тэднийг Египет нутгаас гарснаас хойш хоёр дахь жилийн хоёрдугаар сарын нэгэнд Синаин цөлд, уулзалтын майхан дотор ЭЗЭН, Мосед айлдаж —

²Израилийн хөвгүүдийн даяар хотол түмний тооллогыг хийж, тэдний ургуудаар, эцгүүдийнх нь бүлээр, нэр нэрээр нь эр хүйстэн бүрийг толгой дараалан тоол.

³Дайнд явж чадах хорь ба түүнээс дээш насны, Израиль дахь хүн бүрийг Аарон та хоёр дайчдын бүлэглэлээр нь тоол.

⁴Та нартай хамт овог бүрээс өөрийн эцгийн бүлийн тэргүүн болох нэг нэг хүн байх ёстой.

⁵Та нартай хамт байх хүмүүсийн нэрс бол Реубенийнхнээс Шедеурын хүү Елизур,

⁶Симеонынхноос Зуришаддаин хүү Шелумиел,

⁷Иудагийнхнаас Амминадабын хүү Нахшон,

⁸Иссахарынхнаас Зуарын хүү Нетанел,

⁹Зебулунынхнаас Хелоны хүү Елиаб,

¹⁰Иосефын хөвгүүд, Ефраимынхнаас Аммихудын хүү Елишама, Манассегийнхнаас Педахзурын хүү Гамалиел,

¹¹Бениаминынхнаас Гидеоны хүү Абидан,

¹²Данынхнаас Аммишаддаин хүү Ахиезер,

¹³Ашерынхнаас Охраны хүү Пагиел,

¹⁴Гадынхнаас Деуелийн хүү Елиасаф,

¹⁵Нафталийнхнаас Енаны хүү Ахира нар болой.

¹⁶Эд хотол түмнээс дуудагдсан хүмүүс бөгөөд эцгүүдийнхээ овгийн удирдагчид, Израилийн мянгатын тэргүүн нар билээ гэв.

¹⁷Тийнхүү нэрээрээ дурдагдсан энэ хүмүүсийг Мосе, Аарон нар авч,

¹⁸хоёрдугаар сарын нэгэнд даяар хотол түмнийг бүхэлд нь цуглуулж, хорь ба түүнээс дээш насны эрчүүдийг ураг, эцгүүдийнх нь бүл, нэр нэрээр нь толгой дараалан удам угсаагаар бүртгэв.

¹⁹Мосед ЭЗЭНий тушаасан ёсоор тэр тэднийг Синаин цөлд тоолов.

²⁰Израилийн ууган хүү Реубений хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

²¹Реубен овгоос тоолуулсан эрс дөчин зургаан мянга таван зуу байлаа.

²²Симеоны хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

²³Симеон овгоос тоолуулсан эрс тавин есөн мянга гурван зуу байлаа.

²⁴Гадын хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

²⁵Гад овгоос тоолуулсан эрс дөчин таван мянга зургаан зуун тавь байлаа.

²⁶Иудагийн хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

²⁷Иуда овгоос тоолуулсан эрс далан дөрвөн мянга зургаан зуу байлаа.

²⁸Иссахарын хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

²⁹Иссахар овгоос тоолуулсан эрс тавин дөрвөн мянга дөрвөн зуу байлаа.

³⁰Зебулуны хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

³¹Зебулун овгоос тоолуулсан эрс тавин долоон мянга дөрвөн зуу байлаа.

³²Иосефын хөвгүүдээс, Ефраимын хөвгүүд уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

³³Ефраим овгоос тоолуулсан эрс дөчин мянга таван зуу байлаа.

³⁴Мөн Манассегийн хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

³⁵Манассе овгоос тоолуулсан эрс гучин хоёр мянга хоёр зуу байлаа.

³⁶Бениамины хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

³⁷Бениамин овгоос тоолуулсан эрс гучин таван мянга дөрвөн зуу байлаа.

³⁸Даны хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

³⁹Дан овгоос тоолуулсан эрс жаран хоёр мянга долоон зуу байлаа.

⁴⁰Ашерын хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

⁴¹Ашер овгоос тоолуулсан эрс дөчин нэгэн мянга таван зуу байлаа.

⁴²Нафталийн хөвгүүд өөрсдийн уг угсаа дагуу ургуудаар, эцгүүдийнхээ бүлээр, нэр нэрээр, дайнд явж чадах хорь ба түүнээс дээш насны эр хүйстэн бүр толгой дараалан тоолуулав.

⁴³Нафтали овгоос тоолуулсан эрс тавин гурван мянга дөрвөн зуу байлаа.

⁴⁴Эдгээр нь Мосе, Аарон болон Израилийн удирдагчид, тусбүрдээ эцгийнхээ бүлийг төлөөлсөн арван хоёр хүнээр тоолуулсан хүмүүс ажээ.

⁴⁵Ийнхүү Израилийн хөвгүүдээс эцгүүдийнхээ бүлээр тоолуулсан бүхэн нь дайнд явж чадах хорь ба түүнээс дээш насныхан буюу

⁴⁶тоолуулсан эр хүн бүгд зургаан зуун гурван мянга таван зуун тавь байлаа.

⁴⁷Харин тэдний дунд левичүүд эцгүүдийнхээ овгийн дагуу тоолуулсангүй.

⁴⁸Учир нь ЭЗЭН, Мосед —

⁴⁹Зөвхөн Леви овгийг чи бүү тоол, Израилийн хөвгүүдийн дунд тэдний нийлбэр тоог бүү ав.

⁵⁰Харин чи левичүүдэд гэрчлэлийн асар ба түүний бүх хэрэгсэл, түүнд буй бүхнийг хариуцуул. Тэд асар болон түүний хэрэгсэл бүхнийг авч явж, түүн дотор үйлчлэн мөн асрыг тойрон буудаллаж байг.

⁵¹Асрыг нүүлгэх болоход левичүүд түүнийг буулгаж, асрыг буудаллуулах үед тэд түүнийг босгон барих ёстой. Харин ойртож очсон гаднын хүн үхэх ёстой.

⁵²Израилийн хөвгүүд, хүн бүр хуарангийнхаа дэргэд, тугийнхаа доор дайчдын бүлэглэлээрээ буудаллах ёстой.

⁵³Харин Израилийн хөвгүүдийн даяар хотол түмэн дээр уур хилэнг байлгахгүйн тулд левичүүд гэрчлэлийн асрыг тойрон буудаллах ёстой. Ийнхүү левичүүд гэрчлэлийн асрын үүргийг сахих болно гэж айлдав.

⁵⁴Мосед ЭЗЭНий тушаасан бүхний дагуу Израилийн хөвгүүд тийнхүү хийв.