Read Ariun Bible 2013 – Ариун Библи 2013 Тооллого 29 Bible Online

Тооллого 29 - Ariun Bible 2013 – Ариун Библи 2013 bible

Тооллого 29

¹Долдугаар сард, уг сарын нэгэнд та нар ариун цуглааныг хийх бөгөөд хар ажил хийж болохгүй. Энэ нь та нарт бүрээдэлтийн өдөр болох юм.

²Та нар ЭЗЭНд согоггүй нэг залуу бух, нэг хуц, долоон эр хургаар тааламжит үнэр болох шатаалт тахилыг өргө.

³Идээн өргөл нь болох тосонд багсарсан сайн гурилыг, буханд ефагийн аравны гурвыг, хуцанд аравны хоёрыг,

⁴долоон хурга тусбүрд нь аравны нэгийг өргөх болой.

⁵Мөн өөрсдөдөө эвлэрүүллийг хийхээр нүглийн тахилд ямаан сүргээс нэг ухныг өргө.

⁶Эдгээрийг тогтоолынх нь дагуу тааламжит үнэр буюу ЭЗЭНд галан тахил болгон шинэ сарын шатаалт тахил болон үүний идээн өргөл, байнгын шатаалт тахил болон үүний идээн өргөл ба эдгээрийн ундаан өргөлүүдээс гадна өргөгтүн.

⁷Энэ долдугаар сарын арванд та нар ариун цуглаан хий. Та нар сэтгэлээ номхтгож, ямар ч ажил бүү хий.

⁸Та нар ЭЗЭНд согоггүй нэг залуу бух, нэг хуц, долоон эр хургаар тааламжит үнэр буюу шатаалт тахил өргө.

⁹Идээн өргөл нь болох тосонд багсарсан сайн гурилыг, буханд ефагийн аравны гурвыг, хуцанд аравны хоёрыг,

¹⁰долоон хурга тусбүрд нь аравны нэгийг өргө.

¹¹Нүглийн тахилд ямаан сүргээс нэг ухныг өргө. Эдгээрийг эвлэрүүлгийн нүглийн тахил, байнгын шатаалт тахил болон үүний идээн өргөл, эдгээрийн ундаан өргөлүүдээс гадна өргөх ёстой.

¹²Долдугаар сарын арван тавны өдөр та нар ариун цуглаан хийх бөгөөд хар ажил хийж болохгүй. Та нар ЭЗЭНд баярыг долоо хоног тэмдэглэгтүн.

¹³Та нар үхрийн төл арван гурван бух, хоёр хуц, арван дөрвөн эр хургыг ЭЗЭНд галан тахил буюу тааламжит үнэр, шатаалт тахил болгон өргө. Тэдгээр нь согоггүй байх ёстой.

¹⁴Идээн өргөл нь болох тосонд багсарсан сайн гурилыг, арван гурван бух тусбүрд ефагийн аравны гурвыг, хоёр хуц тусбүрд аравны хоёрыг,

¹⁵арван дөрвөн хурга тусбүрд аравны нэгийг өргө.

¹⁶Нүглийн тахилд ямаан сүргээс нэг ухныг өргө. Эдгээрийг байнгын шатаалт тахил болон үүний идээн өргөл, ундаан өргөлөөс нь гадна өргөх ёстой.

¹⁷Хоёр дахь өдөр нь та нар үхрийн төл арван хоёр бух, хоёр хуц, арван дөрвөн эр хургыг өргө. Тэдгээр нь согоггүй байх ёстой.

¹⁸Бух, хуц, хургануудад зориулагдсан идээн өргөл болон ундаан өргөлүүд тогтоолын дагуу тоо ёсоор байх болой.

¹⁹Нүглийн тахилд ямаан сүргээс нэг ухныг өргө. Эдгээрийг байнгын шатаалт тахил болон үүний идээн өргөл, эдгээрийн ундаан өргөлөөс гадна өргөх ёстой.

²⁰Гурав дахь өдөр нь согоггүй арван нэгэн бух, хоёр хуц, арван дөрвөн эр хургыг өргө.

²¹Бух, хуц, хургануудад зориулагдсан идээн өргөл болон ундаан өргөлүүд тогтоолын дагуу тоо ёсоор нь байх болой.

²²Нүглийн тахилд нэг ухныг өргөх болой. Эдгээрийг байнгын шатаалт тахил болон үүний идээн өргөл, ундаан өргөлөөс нь гадна өргөх ёстой.

²³Дөрөв дэх өдөр нь согоггүй арван бух, хоёр хуц, арван дөрвөн эр хургыг өргө.

²⁴Бух, хуц, хургануудад зориулагдсан идээн өргөл болон ундаан өргөлүүд нь тогтоолын дагуу тоо ёсоор байх болой.

²⁵Нүглийн тахилд ямаан сүргээс нэг ухныг өргөх болой. Эдгээрийг байнгын шатаалт тахил болон үүний идээн өргөл, ундаан өргөлөөс гадна өргөх ёстой.

²⁶Тав дахь өдөр нь согоггүй есөн бух, хоёр хуц, арван дөрвөн эр хургыг өргө.

²⁷Бух, хуц, хургануудад зориулагдсан идээн өргөл болон ундаан өргөлүүд тогтоолын дагуу тоо ёсоор нь байх болой.

²⁸Нүглийн тахилд нэг ухныг өргө. Эдгээрийг байнгын шатаалт тахил болон үүний идээн өргөл, ундаан өргөлөөс нь гадна өргөх ёстой.

²⁹Зургаа дахь өдөр нь согоггүй найман бух, хоёр хуц, арван дөрвөн эр хургыг өргө.

³⁰Бух, хуц, хургануудад зориулагдсан идээн өргөл болон ундаан өргөлүүд нь тогтоолын дагуу тоо ёсоор байх болой.

³¹Нүглийн тахилд нэг ухныг өргө. Эдгээрийг байнгын шатаалт тахил болон үүний идээн өргөл, ундаан өргөлүүдээс нь гадна өргөх ёстой.

³²Долоо дахь өдөр нь согоггүй долоон бух, хоёр хуц, арван дөрвөн эр хургыг өргө.

³³Бух, хуц, хургануудад зориулагдсан идээн өргөл болон ундаан өргөлүүд нь тогтоолын дагуу тоо ёсоор байх болой.

³⁴Нүглийн тахилд нэг ухныг өргө. Эдгээрийг байнгын шатаалт тахил болон үүний идээн өргөл, ундаан өргөлөөс нь гадна өргөх ёстой.

³⁵Найм дахь өдөр та нар тусгай чуулаан хийх бөгөөд хүнд хүчир ажил хийж болохгүй.

³⁶Та нар согоггүй нэг бух, нэг хуц, долоон эр хургаар ЭЗЭНд тааламжит үнэр, галан тахил болох шатаалт тахилыг өргөх ёстой.

³⁷Бух, хуц, хургануудад зориулагдсан идээн өргөл болон ундаан өргөлүүд нь тогтоолын дагуу тоо ёсоор байна.

³⁸Нүглийн тахилд нэг ухныг өргө. Эдгээрийг байнгын шатаалт тахил болон үүний идээн өргөл, ундаан өргөлөөс гадна өргөх ёстой.

³⁹Эдгээрийг та нар ам өчгийн өргөл болон сайн дурын өргөлүүдээсээ гадна шатаалт тахил, идээн өргөл, ундаан өргөл мөн эвийн тахилуудынхаа төлөө ЭЗЭНд товлосон цагуудад авчир” хэмээн хэл гэв.

⁴⁰Мосед ЭЗЭНий тушаасан бүгдийн дагуу Мосе Израилийн хөвгүүдэд хэлэв.