Read Ariun Bible 2013 – Ариун Библи 2013 Тооллого 36 Bible Online

Тооллого 36 - Ariun Bible 2013 – Ариун Библи 2013 bible

Тооллого 36

¹Иосефын хөвгүүдийн ургаас Манассегийн хөвгүүн Махирын хүү Гилеадын хөвгүүдийн ургийн эцгийн бүлийн тэргүүнүүд ойртон ирж, Мосе болон Израилийн хөвгүүдийн эцгийн бүлийн тэргүүнүүд болох удирдагчдын өмнө ярин —

²Израилийн хөвгүүдэд өв болгон уг нутгийг шавгаар хуваан өгөхийг ЭЗЭН миний эзэнд тушаасан бөгөөд бидний ах Зелофехадын өвийг түүний охидод өгөхийг эзэнд маань тушаасан болой.

³Харин тэд Израилийн хөвгүүдийн бусад овгийн хөвгүүдийн нэгтэй нь гэрлэвэл өв нь бидний эцгүүдийн өвөөс авагдан, тэдний байх овгийн өвд нэмэгдэх бөгөөд бидэнд шавгаар ногдсон өвөөс авагдах болно.

⁴Израилийн хөвгүүдийн эвэр бүрээдэлт болох үед тэдний өв өөрсдийнх нь буй овгийн өвд нэмэгдэх болно. Ийнхүү тэдний өв бидний эцгүүдийн овгийн өвөөс авагдах болно гэж ярив.

⁵Тэгэхэд Мосе Израилийн хөвгүүдэд ЭЗЭНий үгийн дагуу тушаан —Иосефын хөвгүүдийн овгийнхон зөв зүйтэй ярьж байна.

⁶Зелофехадын охидын талаар ЭЗЭНий тушаасан зүйл энэ болой. “Тэд хүссэн хүнтэйгээ гэрлэг. Зөвхөн тэд эцгийнхээ овгийн ургийн дотор л гэрлэх ёстой”.

⁷Израилийн хөвгүүд тусбүр эцгүүдийнхээ овгийн өвд баригдах учир Израилийн хөвгүүдийн өв ийнхүү овгоос овогт шилжих ёсгүй.

⁸Израилийн хөвгүүдийн хүн тусбүр эцгүүдийнхээ өвийг эзэмшиж байхын тулд Израилийн хөвгүүдийн аливаа овогт өв эзэмшигч охин бүр эцгийнхээ овгийн ургийн нэгэнд эхнэр болох ёстой.

⁹Израилийн хөвгүүдийн овог тусбүр өөрийн өвд баригдах ёстой учраас ямар ч өв нэг овгоос нөгөө овогт шилжих ёсгүй.

¹⁰Мосед ЭЗЭНий тушаасан ёсоор тийнхүү Зелофехадын охид үйлдэв.

¹¹Махла, Тирза, Хогла, Милка, Ноа нар буюу Зелофехадын охид нагац, авгуудынхаа хөвгүүдтэй гэрлэв.

¹²Тэд Иосефын хүү Манассегийн хөвгүүдийн ургийнхантай гэрлэсэн бөгөөд тэдний өв эцгийнх нь ургийн овогт үлдэв.

¹³Эдгээр нь Иерихогийн харалдаа, Иорданы дэргэдэх Моабын талд Мосегоор дамжуулан Израилийн хөвгүүдэд ЭЗЭНий тушаасан тушаал, шийдвэрүүд юм.