Read Ariun Bible 2013 – Ариун Библи 2013 Тооллого 7 Bible Online

Тооллого 7 - Ariun Bible 2013 – Ариун Библи 2013 bible

Тооллого 7

¹Мосе асрыг босгож дуусаад, түүнийг тослон, түүнийг ариусгаж мөн бүх хэрэгсэл, тахилын ширээ болон бүх сав суулгыг нь бас тосолж, ариусгасан тэр өдөр

²Израилийн удирдагчид, эцгүүдийн бүлийн тэргүүнүүд тахил өргөв. (Тэд овгийн удирдагчид байсан бөгөөд тоолуулсан хүмүүсийг тэргүүлж байлаа).

³Тэд өөрсдийн тахилыг буюу хоёр удирдагчийн дунд нэг хөсөг тэрэг, хүн тусбүрд нэг үхэр, нийтдээ зургаан хөсөг тэрэг, арван хоёр үхэр зэргийг ЭЗЭНий өмнө авчирч, асарт дөхүүлэв.

⁴Тэгтэл ЭЗЭН, Мосетэй ярин —

⁵Уулзалтын майхны үйлчлэлд хэрэглэхийн тулд тэднээс үүнийг хүлээн ав. Тэдгээрийг чи левичүүдэд, үйлчлэлийнх нь дагуу хүн бүрд өгөгтүн гэж айлдлаа.

⁶Мосе тэрэг болон үхрүүдийг авч, левичүүдэд өгөв.

⁷Гершоны хөвгүүдэд үйлчлэлийнх нь дагуу тэрээр хоёр тэрэг, дөрвөн үхрийг өгсөн бөгөөд

⁸Мерарийн хөвгүүдэд үйлчлэлийнх нь дагуу дөрвөн тэрэг, найман үхрийг өгчээ. Тэд тахилч Аароны хүү Итамарын удирдлага дор байлаа.

⁹Харин Кохатын хөвгүүдийн үйлчлэл нь мөрөн дээрээ ариун зүйлсийг үүрч явах үйлчлэл тул тэр тэдэнд юу ч өгсөнгүй.

¹⁰Тахилын ширээг тосолсон өдөр удирдагчид үүнд зориулалтаа авчрав. Тийнхүү удирдагчид тахилын ширээний өмнө өргөлүүдээ барилаа.

¹¹ЭЗЭН, Мосед —Тахилын ширээний зориулалтад өдөр бүр нэг нэг удирдагч өргөлөө авчраг гэв.

¹²Анхны өдөр өргөлөө авчирсан нэгэн нь Иуда овгийн Амминадабын хүү Нахшон байв.

¹³Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

¹⁴Мөн утлагат тахилаар дүүрэн, арван шекелийн алтан бойпор нэг,

¹⁵шатаалт тахилд үхэр сүргийн нэг төл, нэг хуц, нэг эр хурга,

¹⁶нүглийн тахилд ямаан сүргээс нэг ухна,

¹⁷эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Амминадабын хүү Нахшоны өргөл энэ юм.

¹⁸Хоёр дахь өдөр нь Иссахарын удирдагч Зуарын хүү Нетанел өргөв.

¹⁹Өргөсөн өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

²⁰Мөн утлагат тахилаар дүүрэн, арван шекелийн алтан бойпор нэг,

²¹шатаалт тахилд үхэр сүргийн нэг төл, нэг хуц, нэг эр хурга,

²²нүглийн тахилд ямаан сүргээс нэг ухна,

²³эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Зуарын хүү Нетанелын өргөл энэ юм.

²⁴Гурав дахь өдөр нь Зебулуны хөвгүүдийн удирдагч Хелоны хүү Елиаб байв.

²⁵Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

²⁶Мөн утлагат тахилаар дүүрэн, арван шекелийн алтан бойпор нэг,

²⁷шатаалт тахилд үхэр сүргийн нэг төл, нэг хуц, нэг эр хурга,

²⁸нүглийн тахилд ямаан сүргээс нэг ухна,

²⁹эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Хелоны хүү Елиабын өргөл энэ юм.

³⁰Дөрөв дэх өдөр нь Реубений хөвгүүдийн удирдагч, Шедеурын хүү Елизур байв.

³¹Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

³²Мөн утлагат тахилаар дүүрэн, арван шекелийн алтан бойпор нэг,

³³шатаалт тахилд үхэр сүргийн нэг төл, нэг хуц, нэг эр хурга,

³⁴нүглийн тахилд ямаан сүргийн нэг ухна,

³⁵эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Шедеурын хүү Елизурын өргөл энэ юм.

³⁶Тав дахь өдөр нь Симеоны хөвгүүдийн удирдагч, Зуришаддаин хүү Шелумиел байв.

³⁷Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

³⁸Мөн утлагат тахилаар дүүрэн, арван шекелийн алтан бойпор нэг,

³⁹шатаалт тахилд үхэр сүргийн нэг төл, нэг хуц, нэг эр хурга,

⁴⁰нүглийн тахилд ямаан сүргээс нэг ухна,

⁴¹эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Зуришаддаин хүү Шелумиелийн өргөл энэ юм.

⁴²Зургаа дахь өдөр нь Гадын хөвгүүдийн удирдагч, Деуелийн хүү Елиасаф байв.

⁴³Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

⁴⁴Мөн утлагат тахилаар дүүрэн, арван шекелийн алтан бойпор нэг,

⁴⁵шатаалт тахилд үхэр сүргийн нэг төл, нэг хуц, нэг эр хурга,

⁴⁶нүглийн тахилд ямаан сүргээс нэг ухна,

⁴⁷эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Деуелийн хүү Елиасафын өргөл энэ юм.

⁴⁸Долоо дахь өдөр нь Ефраимын хөвгүүдийн удирдагч, Аммихудын хүү Елишама байв.

⁴⁹Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

⁵⁰Мөн утлагат тахилаар дүүрэн, арван шекелийн алтан бойпор нэг,

⁵¹шатаалт тахилд үхэр сүргийн нэг төл, нэг хуц, нэг эр хурга,

⁵²нүглийн тахилд ямаан сүргээс нэг ухна,

⁵³эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Аммихудын хүү Елишамагийн өргөл энэ юм.

⁵⁴Найм дахь өдөр нь Манассегийн хөвгүүдийн удирдагч, Педахзурын хүү Гамалиел байв.

⁵⁵Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

⁵⁶Мөн утлагат тахилаар дүүрэн, арван шекелийн алтан бойпор нэг,

⁵⁷шатаалт тахилд үхэр сүргийн нэг төл, нэг хуц, нэг эр хурга,

⁵⁸нүглийн тахилд ямаан сүргээс нэг ухна,

⁵⁹эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Педахзурын хүү Гамалиелын өргөл энэ юм.

⁶⁰Ес дэх өдөр нь Бениамины хөвгүүдийн удирдагч, Гидеоны хүү Абидан байв.

⁶¹Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

⁶²Мөн утлагат тахилаар дүүрэн, арван шекелийн алтан бойпор нэг,

⁶³шатаалт тахилд үхэр сүргийн нэг төл, нэг хуц, нэг эр хурга,

⁶⁴нүглийн тахилд ямаан сүргээс нэг ухна,

⁶⁵эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Гидеоны хүү Абиданы өргөл энэ юм.

⁶⁶Арав дахь өдөр нь Даны хөвгүүдийн удирдагч, Аммишаддаин хүү Ахиезер байжээ.

⁶⁷Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

⁶⁸Мөн утлагат тахилаар дүүрэн, арван шекелийн алтан бойпор нэг,

⁶⁹шатаалт тахилд үхэр сүргийн нэг төл, нэг хонь, нэг эр хурга,

⁷⁰нүглийн тахилд ямаан сүргээс нэг ухна,

⁷¹эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Аммишаддаин хүү Ахиезерийн өргөл энэ юм.

⁷²Арван нэг дэх өдөр нь Ашерын хөвгүүдийн удирдагч, Охраны хүү Пагиел болой.

⁷³Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

⁷⁴Мөн утлагат тахилаар дүүрэн, арван шекелийн алтан бойпор нэг,

⁷⁵шатаалт тахилд нэг үхэр, нэг хонь, нэг эр хурга,

⁷⁶нүглийн тахилд ямаан сүргээс нэг ухна,

⁷⁷эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Охраны хүү Пагиелын өргөл энэ юм.

⁷⁸Арван хоёр дахь өдөр нь Нафталийн хөвгүүдийн удирдагч, Енаны хүү Ахира байв.

⁷⁹Өргөл нь ариун газрын шекелээр нэг зуун гучин шекелийн жинтэй нэг мөнгөн таваг, далан шекелийн нэг мөнгөн аяга бөгөөд аль аль нь идээн өргөл буюу тосонд багсарсан сайн гурилаар дүүрэн байв.

⁸⁰Мөн утлагат тахилаар дүүрэн, арван шекелийн алтан бойпор нэг,

⁸¹шатаалт тахилд нэг үхэр, нэг хонь, нэг эр хурга,

⁸²нүглийн тахилд ямаан сүргээс нэг ухна,

⁸³эвийн тахилын нядлах тахилд хоёр үхэр, таван хуц, таван ухна, таван эр хурга байлаа. Енаны хүү Ахирагийн өргөл энэ юм.

⁸⁴Энэ нь тахилын ширээг тосолсон өдөр Израилийн удирдагчдаас үүнд өргөсөн зориулалт байлаа. Үүнд: арван хоёр мөнгөн таваг, арван хоёр мөнгөн аяга, арван хоёр алтан бойпор,

⁸⁵мөнгөн таваг бүр нэг зуун гучин шекел бөгөөд аяга бүр далан шекел байв. Бүх мөнгөн хэрэгсэл нь ариун газрын шекелээр хоёр мянга дөрвөн зуу байлаа.

⁸⁶Утлагат тахилаар дүүрэн, арван хоёр алтан бойпор ариун газрын шекелээр тусбүр арван шекел бөгөөд бойпруудын бүх алт нь зуун хорин шекел байлаа.

⁸⁷Шатаалт тахилд зориулсан бүх үхэр нь арван хоёр бух, арван хоёр хуц, арван хоёр эр хурга идээн өргөлүүдийнхээ хамт мөн нүглийн тахилд арван хоёр ухна,

⁸⁸эвийн тахилын нядлах тахилд зориулсан бүх үхэр нь хорин дөрвөн бух бөгөөд жаран хуц, жаран ухна, жаран эр хурга байлаа. Энэ нь тахилын ширээг тосолсны дараа үүнд өргөсөн зориулалт байв.

⁸⁹Мосе Түүнтэй ярихаар уулзалтын майханд ороход гэрчлэлийн авдар дээр байсан хэлтрүүлгийн таг дээгүүрээс, хоёр херубын дундаас өөртэй нь ярих дууг тэр сонсов. Тийнхүү Тэр түүнтэй ярилаа.