Read Ariun Bible 2013 – Ариун Библи 2013 Мика 5 Bible Online

Мика 5 - Ariun Bible 2013 – Ариун Библи 2013 bible

Мика 5

¹Дайчин охид оо, жагсагтун! Тэд биднийг бүсэлсэн. Тэд саваагаар Израилийн шүүгчийн хацрыг саваадна.

²Гэвч Ефратын Бетлехем ээ, Иудагийн овгуудын дунд чи өчүүхэн авч, Надад Израилийг захирах Нэгэн нь Чамаас гарах болно. Тэр нь эртнээс хийгээд мөнхөөс үүдэлтэй”

³Тиймээс нярайлах гэж буй нь төрөх цаг хүртэл Тэднийг Тэр өгөх болно. Тэгээд Түүний үлдсэн ах дүүс нь Израилийн хөвгүүд уруу буцах болно.

⁴Тэр босож, ЭЗЭНий хүчээр, Бурхан ЭЗЭНийхээ нэрийн сүр жавхлангаар Хонин сүргээ хариулах болно. Тэр цагт Тэрээр дэлхийн зах хязгаар хүртэл Агуу байх учраас Тэд амар тайван амьдрах болно.

⁵Тэгээд энэхүү Нэгэн нь Амар тайван байх болно. Ассиричууд газар нутгийг маань эзэлж, Бэхлэлтүүд дээр маань гишгэчвээс Бид түүний эсрэг долоон хоньчин, Найман удирдагчийг босгох болно.

⁶Тэд Ассири нутгийг илдээр, Нимродын нутгийг ирт сэлмээр удирдах болно. Ассири манай нутгийг довтолж, Нутаг дэвсгэрийг минь талхлахад Тэр биднийг үүнээс аврах болно.

⁷Иаковын үлдэгсэд нь олон ард түмний дунд ЭЗЭНээс ирсэн шүүдэр мэт, Өвс ногоон дээр орохдоо хүнээс үл хамаарч, Хүмүүний хөвгүүдийг эс хүлээх бороо мэт байх болно.

⁸Иаковын үлдэгсэд нь үндэстнүүд, олон ард түмний дунд Ойн араатнуудын дундах арслан, Хонин сүргийн дундах залуу арслан мэт байх болно. Тэрээр явахдаа дэвсэлж, урдаг бөгөөд Түүнээс аварч чадах хэн ч үгүй.

⁹Гар чинь дайснуудынхаа эсрэг өргөгдөж, Бүх дайсан чинь таслагдах болно.

¹⁰ЭЗЭН тунхаглаж байна. “Тэр өдөр Би та нарын дундаас Морьдыг чинь тасалж, Тэрэгнүүдийг чинь устгах болно.

¹¹Танай нутгийн хотуудыг Би тастаж, Бүх бэхлэлтийг чинь нураах болно.

¹²Гараас чинь бүх илбэ шидийг тастаж, Та нар цаашид мэргэчидгүй болно.

¹³Би та нарын сийлмэл хөргүүдийг, Та нарын дундаас баганануудыг чинь тастах болно. Тийнхүү та нар цаашид Гарынхаа бүтээлд мөргөхөө болино.

¹⁴Би та нарын дундаас Ашерагийн модон шонг суга татаж, Хотуудыг чинь устгах болно.

¹⁵Дуулгаваргүй үндэстнүүдээс Би Уур хилэнгээр өшөө авна.”