Read Ariun Bible 2013 – Ариун Библи 2013 Марк 3 Bible Online

Марк 3 - Ariun Bible 2013 – Ариун Библи 2013 bible

Марк 3

¹Тэгээд Тэр дахин синагогт ороход, тэнд хатангир гартай хүн байжээ.

²Тэд Түүнийг буруутгахын тулд Амралтын өдөр тэр хүнийг Есүс эдгээх нь үү хэмээн Түүнийг ажиглаж байлаа.

³Есүс хатангир гартай хүнд —Урагшаа гарч ир

⁴тэдэнд —Амралтын өдөр сайныг үйлдэх эсвэл ёрын мууг үйлдэх, амь аврах эсвэл хөнөөхийн аль нь хуульд нийцэх вэ? гэсэнд тэд эс дуугарав.

⁵Есүс ууртайгаар тэднийг тойруулан харснаа, зүрхнийх нь хатууд харамсаж, тэр хүнд —Гараа сунга гэв. Тэр гараа сунгасанд, гар нь эдгэсэн байлаа.

⁶Фарисайчууд гарч, Есүсийг хэрхэн хөнөөх талаар Түүний эсрэг тэр даруй Херодынхонтой зөвлөлджээ.

⁷Есүс шавь нарынхаа хамт нуурын зүг цаашлав. Мөн Галилаас үй олноороо дагаж байлаа. Бас Иудей,

⁸Иерусалим, Идум, Иорданы чанад, Тир болон Сидон хавиас үй олноороо Есүсийн үйлдсэн бүхнийг сонсоод Түүн дээр иржээ.

⁹Хурсан олонд бүчүүлэхгүйн тулд завь бэлэн байлгахыг шавь нартаа Тэр даалгав.

¹⁰Есүс олныг эдгээсэн тул өвчинд шаналагсад бүгд Түүнд гар хүрэх гэж дайрч байлаа.

¹¹Бузар сүнснүүд Есүсийг хармагц өмнө нь унаж —Та бол Бурханы Хүү мөн гэж бархиралдаж байв.

¹²Өөрийг нь илчилж болохгүйг Тэр тэдэнд хатуу сануулав.

¹³Есүс уул өөд гарч, хүссэн хүмүүсээ дуудахад тэд Түүн дээр иржээ.

¹⁴Есүс арван хоёрыг томилон элч хэмээсэн нь тэднийг Өөртэйгөө хамт байлгаж, тунхаглуулахаар илгээх,

¹⁵чөтгөрүүдийг зайлуулах эрх мэдэлтэй байлгахын тулд байлаа.

¹⁶Тэр арван хоёрыг томилсон нь Симон (Тэр түүнд Петр гэдэг нэр өгчээ),

¹⁷Зебедеен хүү Иаков, Иаковын дүү Иохан (Тэр тэдэнд «Аянгын хөвгүүд» гэсэн утгатай Бонергес гэдэг нэр өгчээ),

¹⁸Андрей, Филип, Бартоломай, Матай, Томас, Алфайн хүү Иаков, Таддай, канаан хүн Симон,

¹⁹Есүсээс урвасан Искариотын Иудас нар байлаа.

²⁰Есүс гэрт ороход, ард олон дахиад л цугларч, тэд талх ч идэж эс чадав. —

²¹Тэр ухаан мэдрэлээ алджээ гэж тэд ярьсан тул хамаатнууд нь үүнийг сонсоод Есүсийг авчрахаар явав.

²²Иерусалимаас бууж ирсэн хуулийн багш нар —Тэр Беелзебүлтэй гээд чөтгөрүүдийн захирагчаар нь чөтгөрүүдийг Тэр хөөдөг юм байна гэцгээж байлаа.

²³Тэр тэднийг дуудаж, сургаалт зүйрлэлээр тэдэнд айлдан —Сатан яаж Сатанаа зайлуулж чадах билээ?

²⁴Хаанчлал дотроо хуваагдвал тэр хаанчлал оршин тогтнож эс чадна.

²⁵Айл гэр дотроо хуваагдвал тэр айл оршин тогтнож эс чадна.

²⁶Сатан өөрийн эсрэг босон хуваагдвал тэр оршин тогтнож чадахгүй, харин эцэс нь ирнэ.

²⁷Бяртай эрийг эхлээд хүлэхгүй бол хэн гэрт нь орж, эд хөрөнгийг нь дээрэмдэж чадах билээ? Тэгж байж л гэрийг нь дээрэмдэнэ шүү дээ.

²⁸Үнэнээр Би та нарт хэлье. Хүний хөвгүүдийн нүгэл, тэдний доромжлох гүтгэлэг бүгд[6] уучлагдана.

²⁹Харин Ариун Сүнсийг доромжлогч хэн ч хэзээ ч уучлагдахгүй бөгөөд мөнх нүглийн гэмтэн болно гэв.

³⁰Учир нь тэд —Есүс бузар сүнстэй гэж ярьсан юм.

³¹Есүсийн эх болон дүү нар ирээд гадаа зогсож, Түүнийг дуудуулахаар хүн оруулав.

³²Есүсийг ард олон тойрон сууж байлаа. Тэд Түүнд —Хараач. Эх, дүү нар тань Таныг асуугаад гадаа байж байна гэхэд

³³Тэр тэдэнд хариулан —Хэн Миний эх, хэн Миний дүү нар юм бэ? гээд

³⁴Өөрийг нь хүрээлэн суугчдыг харж, —Харагтун, Миний эх ба ахан дүүс энд байна.

³⁵Бурханы хүслийг биелүүлэгч хэн боловч Миний эх, эгч, ах дүүс минь юм гэв.