Read Ariun Bible 2013 – Ариун Библи 2013 Иохан 7 Bible Online

Иохан 7 - Ariun Bible 2013 – Ариун Библи 2013 bible

Иохан 7

¹Дараа нь Есүс Галилаар явж байлаа. Иудейчүүд Түүнийг алах гэж оролдож байсан тул Тэр Иудейгээр явахыг хүсээгүй юм.

³Тэгтэл дүү нар нь Есүст —Эндээс хөдөлж, Иудей уруу яв. Тэгвэл дагалдагчид тань хийж байгаа үйлсийг тань мөн харна.

⁴Учир нь нийтэд ил байхыг хүсэж байгаа хэн ч нууцаар үйлддэггүй. Хэрэв Та эдгээрийг үйлддэг бол Өөрийгөө ертөнцөд харуул л даа гэж хэлэв.

⁵Есүсийн дүү нар нь хүртэл Түүнд итгээгүй ажээ.

⁶Тэгэхэд нь Есүс тэдэнд —Миний цаг хараахан болоогүй. Харин та нарын цаг үргэлж бэлэн байдаг.

⁷Ертөнц та нарыг үзэн ядаж чадахгүй. Харин ертөнцийн үйлс муу муухай гэдгийг Би гэрчилдэг тул Намайг үзэн яддаг.

⁸Та нар баярт оч. Миний цаг гүйцээгүй байгаа тул Би энэ баярт очихгүй[18] гэлээ.

⁹Тэдэнд ийн хэлээд Тэр Галилд үлджээ.

¹⁰Гэвч дүү нар нь баярт явахад Есүс ч ил биш, нууцаар явлаа.

¹¹Тэгтэл иудейчүүд Түүнийг баяр дээр хайж —Тэр хаана байна? гэцгээж байв.

¹²Хурсан олны дунд Есүсийн тухайд дургүйлхсэн шивнэлдээн их болж, зарим нь —Тэр сайн хүн гэхэд зарим нь —Үгүй, харин ч Тэр ард олныг төөрөлдүүлж байна гэцгээж байв.

¹³Гэвч иудейчүүдээс айсан учир Түүний тухай хэн ч ил ярьсангүй.

¹⁴Баяр дундаа орох үед Есүс сүмд орж ирээд, сургаал зааж эхэллээ.

¹⁵Иудейчүүд —Ер суралцаагүй атлаа энэ хүн яаж судар бичгийг мэддэг билээ? гээд гайхацгаав.

¹⁶Есүс тэдэнд —Миний сургаал бол Минийх биш, харин Намайг Илгээгчийнх.

¹⁷Хэрэв хэн нэгэн нь Түүний хүслийг үйлдэхийг хүсвэл тэрээр энэ сургаал Бурханаас уу эсвэл Би Өөрөөсөө ярьж байна уу гэдгийг мэднэ.

¹⁸Өөрөөсөө яригч нь өөрийнхөө алдрыг хайдаг. Харин Өөрийг нь Илгээгчийн алдрыг Хайгч Тэр бол үнэн мөн. Түүний дотор зүй бус гэж үгүй.

¹⁹Та нарт Мосе хууль өгөөгүй гэж үү? Харин та нараас нэг нь ч хуулийг биелүүлдэггүй. Та нар яагаад Намайг алах гэж оролдоно вэ? гэлээ.

²⁰Хурсан олон —Танд чөтгөр шүглэжээ. Хэн Таныг алах гээв? гэжээ.

²¹Есүс тэдэнд —Би нэг үйл хийсэн бөгөөд та нар бүгд гайхаж байна.

²²Мосе та нарт хозлол[19] өгсөн (Энэ нь Мосегээс биш, өвөг дээдсээс чинь эхэлсэн) бөгөөд Амралтын өдөр ч та нар хүнийг хозолдог.

²³Мосегийн хуулийг зөрчихгүйн тулд хүн Амралтын өдөр ч хозлуулдаг бол, Би Амралтын өдөр хүнийг бүхлээр нь эдгээсэн учраас та нар Надад уурлана уу?

²⁴Гаднах төрхөөр нь бүү шүү, харин шударга шүүлтээр шүү гэж айлдав.

²⁵Тэгтэл Иерусалимынхны зарим нь —Тэдний алахаар оролдоод байгаа өнөөх хүн энэ биш үү?

²⁶Хараач, Тэр ил ярьж байна. Тэд Түүнд юу ч хэлэхгүй юм. Захирагчид энэ хүнийг Христ гэж үнэхээр танилаа гэж үү?

²⁷Гэлээ ч энэ хүн хаанаас ирснийг бид мэднэ. Харин Христийг ирэхэд Түүнийг хаанаас ирэхийг хэн ч мэдэхгүй гэцгээж байлаа.

²⁸Есүс сүм дотор сургахдаа хашхиран —Та нар Намайг мэднэ, бас хаанаас ирснийг минь ч мэднэ. Би Өөрөөсөө ирээгүй. Харин Намайг Илгээгч нь үнэн мөн. Та нар Түүнийг мэдэхгүй.

²⁹Би Түүнээс ирсэн тул Би Түүнийг мэдэх бөгөөд Тэр Намайг илгээсэн гэсэнд

³⁰тэд Есүсийг барих гэсэн боловч хэн ч Түүнд гар хүрсэнгүй. Учир нь Түүний цаг хараахан болоогүй байв.

³¹Харин цугласан хүмүүсээс олон нь Түүнд итгэн —Христ ирлээ ч гэсэн энэ хүний үйлдсэнээс илүү тэмдгүүдийг үйлдэнэ гэж үү? гэж ярилцаж байлаа.

³²Есүсийн тухай хүмүүс ийн шивнэлдэхийг фарисайчууд сонсжээ. Ахлах тахилч нар болон фарисайчууд Түүнийг бариулахаар харуулуудыг илгээлээ.

³³Тэгтэл Есүс —Би та нартай түр зуур байна, тэгээд Намайг Илгээгч уруу явна.

³⁴Та нар Намайг хайгаад олохгүй. Мөн Би хаана байна, тэнд та нар очиж чадахгүй гэж айлдсанд

³⁵иудейчүүд өөр хоорондоо —Бидэнд олдохгүй хаашаа Тэр явах юм бол? Грекүүдийн дунд тархсан иудейчүүд дээр очиж, грекүүдэд заах юм болов уу?

³⁶“Та нар Намайг хайгаад олохгүй. Мөн Би хаана байна, та нар очиж чадахгүй” гэж Түүний хэлсэн энэ үг ямар утгатай юм бол? гэцгээв.

³⁷Баярын их өдөр болох сүүлчийн өдөр Есүс зогсоод хашхиран —Цангасан хүн байвал Над уруу ирж, уугтун.

³⁸Бичвэр хэлсэнчлэн Надад итгэгчийн дотроос амийн усны гол урсах болно гэв.[20]

³⁹Есүст итгэгсдийн хүлээн авах Сүнсний тухай Тэр үүнийг хэлжээ. Есүс хараахан алдаршуулагдаагүй тул Сүнс тэнд өгөгдөөгүй байлаа.

⁴⁰Ард олны зарим нь энэ үгсийг сонсоод —Өнөөх эш үзүүлэгч[21] чинь энэ үнэхээр мөн байна гэхэд

⁴¹зарим нь —Энэ Христ мөн гэж байв. Харин зарим нь —Христ Галилаас гарахгүй биз дээ?

⁴²Христ бол Давидын үр сад бөгөөд Давидын амьдарч байсан тосгон болох Бетлехемээс гарна гэж Бичвэр хэлдэг биш үү? гэв.

⁴³Тэгээд Есүсээс болж ард олны дотор хагарал гарчээ.

⁴⁴Тэдний зарим нь Түүнийг барихыг хүссэн боловч хэн ч Түүнд гар хүрсэнгүй.

⁴⁵Тэгээд харуулууд ахлах тахилч нар ба фарисайчууд дээр ирэхэд тэднээс —Та нар Түүнийг яагаад авч ирсэнгүй вэ? гэв.

⁴⁶Харуулууд —Хүн хэзээ ч үүн шиг ярьж байсангүй гэжээ.

⁴⁷Тэгтэл фарисайчууд тэдэнд —Та нар бас төөрчихөв үү?

⁴⁸Захирагчид болон фарисайчуудаас хэн ч Түүнд итгээгүй биз дээ?

⁴⁹Харин хууль мэддэггүй энэ ард олон л хараагдаж гэв.

⁵⁰Тэдний нэг болох урьд нь Есүс дээр ирсэн Никодем тэдэнд —

⁵¹Бидний хууль хүний юу хийж байгааг нь эхлээд тэр хүнээс сонсоогүй, мэдээгүй байж шүүдэг бил үү? гэв.

⁵²Тэд түүнд —Чи бас Галилынх уу? Нягтлаад үз. Галилаас ямар ч эш үзүүлэгч гарахгүй гэж хариулав.[22]

⁵³Бүгд гэр уруугаа явлаа.