Read Ariun Bible 2013 – Ариун Библи 2013 Иошуа 12 Bible Online

Иошуа 12 - Ariun Bible 2013 – Ариун Библи 2013 bible

Иошуа 12

¹Иорданы зүүн талд, наран мандах зүгт, Арноны хөндийгөөс Хермоны уул хүртэлх, түүнчлэн Арабагийн зүүн зүгийн бүх газар нутгийг оролцуулан Израилийн хөвгүүдийн байлдан эзэлсэн нутгийн хаад нь гэвэл:

²нэг нь Хешбонд амьдарч байсан аморичуудын хаан Сихон. Тэрээр Арноны хөндийн захад орших Ароер, уг нутгийн дунд[5] хавиас аваад Гилеадын хагасыг оролцуулан бүр Аммоны хөвгүүдийн хил болох Иаббок гол хүртэлх нутаг,

³мөн Арабагийн зүүн зүгийн Хиннеретийн тэнгисээс аваад Арабагийн тэнгис буюу Давст тэнгис хүртэл, Бет-иешимотын өмнө зүг уруу Писгагийн налуу бэл хүртэлх нутгийг захирч байв.

⁴Нөгөө хаан болох Башаны хаан Ог нь Аштарот ба Едреид амьдарч байсан, рефаимчуудаас үлдсэн хүн бөгөөд

⁵тэрээр Хермон уул, Салека болон бүх Башан, гешурчууд болон маакатчуудын хил хүртэл, мөн Гилеадын хагас, тэгээд Хешбоны хаан Сихоны нутгийн хил хүртэлхийг захирч байв.

⁶Энэ хоёр хааныг ЭЗЭНий зарц Мосе болон Израилийн хөвгүүд цохисон бөгөөд ЭЗЭНий зарц Мосе тэрхүү газар нутгийг нь Реубен, Гад мөн Манассегийн хагас овгийнхонд эзэмшил болгон өвлүүлэв.

⁷Иошуа ба Израилийн хөвгүүдийн цохисон хаадын нутаг нь Иорданаас баруун тийш Ливаны хөндий дэх Баал-гадаас бүр Сеир уруу өгссөн Халак уул хүртэлх нутаг билээ. Иошуа түүнийг Израилийн овгуудад хуваарилалтынх нь дагуу эзэмшил болгон өгчээ.

⁸Уулархаг нутаг, нам дор газрууд, Араба, уулсын бэлүүд, цөл газар болон Негевд байсан хитчүүд, аморичууд, канаанчууд, перизчүүд, хивичүүд, иебусчуудын газар нутгийн хаад гэвэл:

⁹Иерихогийн нэг хаан, Бетелийн хажуу дахь Аин нэг хаан,

¹⁰Иерусалимын нэг хаан, Хеброны нэг хаан,

¹¹Иармутын нэг хаан, Лахишийн нэг хаан,

¹²Еглоны нэг хаан, Гезерийн нэг хаан,

¹³Дебирийн нэг хаан, Гедерийн нэг хаан,

¹⁴Хормагийн нэг хаан, Арадын нэг хаан,

¹⁵Либнагийн нэг хаан, Адулламын нэг хаан,

¹⁶Маккедагийн нэг хаан, Бетелийн нэг хаан,

¹⁷Таппуагийн нэг хаан, Хеферийн нэг хаан,

¹⁸Афекийн нэг хаан, Лашароны нэг хаан,

¹⁹Мадоны нэг хаан, Хазорын нэг хаан,

²⁰Шимрон-мероны нэг хаан, Ахшафын нэг хаан,

²¹Таанахын нэг хаан, Мегиддогийн нэг хаан,

²²Кедешийн нэг хаан, Кармел дахь Иокнеамын нэг хаан,

²³Нафат-Дор дахь Дорын нэг хаан, Гилгал[6] дахь Гойимын нэг хаан,

²⁴Тирзагийн нэг хаан, бүгд гучин нэгэн хаан байлаа.