Read Ariun Bible 2013 – Ариун Библи 2013 Иошуа 15 Bible Online

Иошуа 15 - Ariun Bible 2013 – Ариун Библи 2013 bible

Иошуа 15

¹Иудагийн хөвгүүдийн овог, бүлийнх нь дагуу шодож хуваарилсан газар нь нэг талдаа Едомын хил хүртэл, нөгөө өмнөд хязгаартаа Зиний өмнөд цөл газар хүртэл байв.

²Тэдний өмнөд хилийн шугам нь Давст тэнгисийн төгсгөл буюу өмнө зүгт эргэх булангаас эхлээд,

³өмнө зүгт Акраббим өөд өгсөн Зинээр дамжин, улмаар Кадеш-барнеагийн өмнө талаар гарч, Хезроныг өнгөрөн, Аддарыг өгсөж, Карка уруу эргэсэн ба

⁴тэндээсээ Азмон хүрээд, Египетийн хил дагуух голыг даган явж, төгсгөл нь тэнгис хүрэв. Энэ нь та нарын умард хил байх болно.

⁵Мөн дорно дахь хилийн шугам нь Давст тэнгис, Иорданы цутгалан байлаа. Хойд талын хилийн шугамыг тоочин өгүүлбэл: хойгуураа Иорданы цутгалан дахь тэнгисийн тохойноос эхлээд,

⁶тэндээсээ Бет-хогла өөд өгсөж, Бет-Арабагийн хойгуур дамжин, Реубений хүү Боханы хад хүртэл үргэлжлээд,

⁷тэндээсээ Ахорын хөндийг дамжин, Дебир өөд өгсөж, голын хөндийн өмнөд хэсэгт орших Адуммимын хөтлийн эсрэг талд байх Гилгалын зүгт хойшоо эргэж, Ен-шемешийн усыг хөндлөн гараад, Ен-рогелд дуусаж байв.

⁸Эндээс уг хилийн шугам нь Бен-хинномын хөндийгөөр өгсөж, өмнөд зүгт иебусчуудын бэлд (энэ нь Иерусалим) хүрч, тэндээсээ Рефаимын хөндийн хойд зах дахь, Хинномын хөндийн баруунтаад орших уулын оройг өгсдөг аж.

⁹Тэндээсээ уг хилийн шугам нь Нефтоагийн усны эх булаг уруу мушгирч, Ефрон уулын хотууд хүртэл үргэлжлэн, Баала уруу (энэ нь Кириат-иеарим) эргэв.

¹⁰Уг хилийн шугам нь Баалагаасаа баруун зүгт Сеир уул уруу эргэж, Иеарим уулын (энэ нь Хесалон) хойд хормой дагуу үргэлжлээд, Бет-шемеш уруу уруудан, Тимнад хүрчээ.

¹¹Энэхүү хилийн шугам нь Екроны хойд талд хүрээд, Шиккерон уруу чиглэн эргэж, Баала уулаар үргэлжлэн, Иабнеелд хүрч, тэнгисээр төгсөнө.

¹²Харин өрнө буюу баруун хилийн шугам нь Их тэнгисийн эргийн дагуу байлаа. Иудагийн хөвгүүдийн бүх ургийг тойрсон хилийн шугамыг тоочвол энэ билээ.

¹³Ингээд Иошуа, ЭЗЭНий тушаасан ёсоор Иефуннегийн хүү Калебт хувийг нь Иудагийн хөвгүүдийн дунд, тухайлбал Кириат-арбаг (буюу Хеброныг) өглөө. (Арба нь Анакийн өвөг эцэг ажээ.)

¹⁴Калеб тэндээс Анакийн үр удам, Анакийн гурван хүү Шешаи, Ахиман, Талмаи нарыг хөөн гаргав.

¹⁵Улмаар тэндээсээ тэрээр Дебирийн оршин суугчдын эсрэг довтлов. Урьд цагт Дебирийн нэр нь Кириат-сефер байв.

¹⁶Ингээд Калеб «Кириат-сеферийг дайран эзэлсэн хүнд би охин Ахсагаа эхнэр болгон өгнө» гэлээ.

¹⁷Калебын дүү Кеназын хөвгүүн Отниел түүнийг эзэлсэн тул Калеб түүнд охин Ахсагаа эхнэр болгон өгөв.

¹⁸Тэгээд Ахсаг Отниел дээр ирэхэд тэр түүнийг эцгээсээ эдлэн газар гуйхыг ятгав.[8] Түүнийг илжигнээсээ буухад Калеб —Чи юу хүсээ вэ? гэхэд нь

¹⁹Ахса —Надад ерөөлөө хайрлаач. Та надад Негевийн нутгийг өгсөн тул усны эх булгуудыг нь бас өгөөч гэв. Тийнхүү Калеб дээд, доод булгуудыг нь бас түүнд өгөв.

²⁰Иудагийн хөвгүүдийн овог, түүний бүх ургийн өвийг бүл хотоор нь тоочвол:

²¹Негев буюу өмнө талдаа Едомын хилийн харалдаах Иудагийн хөвгүүдийн овгийн хамгийн захын хот болох Кабзеел, Едер, Иагур,

²²Кина, Димона, Адада,

²³Кедеш, Хазор, Итнан,

²⁴Зиф, Телем, Беалот,

²⁵Хазор-хадатта, Кериот-хезрон (энэ нь Хазор),

²⁶Амам, Шема ба Молада,

²⁷Хазар-гадда, Хешмон, Бет-пелет,

²⁸Хазар-шуал, Беершеба, Бизиотиа,

²⁹Баала, Иим, Езем,

³⁰Елтолад, Хесил, Хорма,

³¹Зиклаг, Мадманна, Сансанна,

³²Лебаот, Шилхим, Аин, Риммон зэрэг бүгд хорин есөн хот тосгод билээ.

³³Нам дор газар буюу баруун талд буй бүл хотыг тоочвол: Ештаол, Зора, Ашна,

³⁴Заноа, Ен-ганним, Таппуа, Енам,

³⁵Иармут, Адуллам, Соко, Азека,

³⁶Шаараим, Адитаим, Гедера, Гедеротаим зэрэг арван дөрвөн хот тосгод бөгөөд

³⁷Зенан, Хадаша, Мигдал-гад,

³⁸Дилеан, Мизпа, Иоктеел,

³⁹Лахиш, Бозкат, Еглон,

⁴⁰Каббон, Лахмас, Хитлиш,

⁴¹Гедерот, Бет-дагон, Наама, Маккеда зэрэг арван зургаан хот тосгод дараагийн бүл болж байв.

⁴²Либна, Етер, Ашан,

⁴³Ифта, Ашна, Незиб,

⁴⁴Кеила, Ахзиб, Мареша зэрэг есөн хот нь тосгодынхоо хамт,

⁴⁵Екрон орчин тойрныхоо суурин, тосгодынхоо хамт,

⁴⁶Екроноос далай хүртэл, Ашдодын орчмын бүх хот нь тосгодынхоо хамт

⁴⁷Ашдод болон түүний эргэн тойрны суурин ба тосгод, Газ болон түүний суурин ба тосгод, нэг нэг бүл болж Египетийн хил дагуух гол ба Их тэнгисийн эрэг газраар оршин байв.

⁴⁸Уулархаг нутгийн бүл хотыг тоочвол: Шамир, Иаттир, Соко,

⁴⁹Данна, Кириат-санна (энэ нь Дебир)

⁵⁰Анаб, Ештемо, Аним,

⁵¹Гошен, Холон, Гило зэрэг арван нэгэн хот нь тосгодынхоо хамт,

⁵²Араб, Дума, Ешан,

⁵³Ианум, Бет-таппуа, Афека,

⁵⁴Хумта, Кириат-арба, (энэ нь Хеброн) Зиор зэрэг есөн хот нь тосгодынхоо хамт,

⁵⁵Маон, Кармел, Зиф, Иутта,

⁵⁶Иезреел, Иокдеам, Заноа,

⁵⁷Каин, Гибеа, Тимна зэрэг арван хот нь тосгодынхоо хамт,

⁵⁸Халхул, Бет-зур, Гедор,

⁵⁹Маарат, Бет-анот, Елтекон зэрэг зургаан хот нь тосгодынхоо хамт,

⁶⁰Кириат-баал (энэ нь Кириат-иеарим) Рабба гэсэн хоёр хот нь тосгодынхоо хамт байв.

⁶¹Цөл газар талдаа Бет-Араба, Миддин, Секака,

⁶²Нибшан, Давст хот, Енгеди зэрэг зургаан хот нь тосгодынхоо хамт байв.

⁶³Гэвч Иерусалимд оршин сууж байсан иебусчуудыг Иудагийн хөвгүүд хөөн гаргаж чадаагүй учир иебусчууд Иерусалимд өнөөг хүртэл Иудагийн хөвгүүдтэй хамт амьдарч байна.