Read Ariun Bible 2013 – Ариун Библи 2013 Иошуа 19 Bible Online

Иошуа 19 - Ariun Bible 2013 – Ариун Библи 2013 bible

Иошуа 19

¹Хоёр дахь шавга Симеонд буюу Симеоны хөвгүүдийн овог дээр тэдний ургуудынх нь дагуу буув. Тэдний өв нь Иудагийн хөвгүүдийн овгийн өв болох газар нутаг дунд байлаа.

²Тийнхүү тэд өв болгон Беершеба буюу Шеба, Молада,

³Хазар-шуал, Бала, Езем,

⁴Елтолад, Бетул, Хорма,

⁵Зиклаг, Бет-маркабот, Хазар-суса,

⁶Бет-лебаот, Шарухен зэрэг арван гурван хотыг тосгодынх нь хамт,

⁷мөн Аин, Риммон, Етер, Ашан зэрэг дөрвөн хотыг тосгодынх нь хамт,

⁸мөн Баалат-беер, Негевийн Рама хүртэл, эдгээр хотын эргэн тойрон дахь бүх тосгоныг авав. Энэ нь Симеоны хөвгүүдийн овгийн бүх ургийн дагуух өв байлаа.

⁹Симеоны хөвгүүдийн өв нь Иудагийн хөвгүүдийн хувиас ногдсон байв. Учир нь Иудагийн хөвгүүдийн хувь ногдол хэрэгцээнээс нь илүү байв. Ийнхүү Симеоны хөвгүүд Иудагийн өв болсон газар нутгийн гол дунд өв залгамжлалаа хүлээн авав.

¹⁰Гурав дахь шавга Зебулуны хөвгүүдэд ургийнх нь дагуу буулаа. Тэдний өвийн нутаг нь Саридыг хүртэл байв.

¹¹Тэгээд хилийн шугам нь баруун тийш зүглэн Марала уруу явж, Даббешетийг шүргэн, Иокнеамын урд орших горхинд хүрчээ.

¹²Улмаар Саридаас зүүн тийш наран мандах зүг уруу Хислот-таборын хил хүртэл эргэн, цаашаа Даберат уруу үргэлжлэн, Иафиа уруу өгссөн байлаа.

¹³Эндээс хил зүүн тийш наран мандах зүг уруу Гат-хефер болон Ет-казин уруу үргэлжлэн, Неа уруу чиглэсэн Риммон уруу сунасан байв.

¹⁴Уг хил хойд зүгт Ханнатон уруу тойрон дугуйрч, Ифтахелын хөндийд ирэн төгсөж байлаа.

¹⁵Мөн үүнд Катта, Нахалал, Шимрон, Идала, Бетлехем гээд арван хоёр хот, тосгодынхоо хамт багтсан байлаа.

¹⁶Эдгээр хот, тосгодынхоо хамт Зебулуны хөвгүүдийн ургийнх нь дагуух өв нь байлаа.

¹⁷Дөрөв дэх шавга Иссахарт буюу ургийнх нь дагуу Иссахарын хөвгүүдэд буув.

¹⁸Тэдний бүс нутагт нь Иезреелийг хамран Хесуллот, Шунем,

¹⁹Хафараим, Шион ба Анахарат,

²⁰Раббит, Кишион, Ебез,

²¹Ремет, Ен-ганним, Ен-хадда, Бет-паззезийг багтааж байв.

²²Мөн уг хил Табор, Шахазума, Бет-шемешт хүрч, тэдний хил Иорданд ирээд төгссөн байв. Энд арван зургаан хот нь тосгодтойгоо хамт байлаа.

²³Эдгээр хотууд тосгодтойгоо хамт Иссахарын хөвгүүдийн овгийн, ургуудынх нь дагуух өв нь байлаа.

²⁴Тав дахь шавга Ашерын хөвгүүдийн овогт ургуудынх нь дагуу буув.

²⁵Тэдний нутаг нь Хелкат, Хали, Бетен, Ахшаф,

²⁶Алламмелех, Амад, Мишал нар байсан ба энэ нь баруун зүгт Кармел болон Шихор-либнатад хүрч байлаа.

²⁷Мөн энэ нь зүүн зүг уруу Бет-дагон уруу чиглэн эргэж, Зебулунд хүрээд, мөн Бет-емек ба Неиелийн хойд зүгт Ифтахелын хөндийг дайран зүүн тийш Кабулд хүрч,

²⁸Еброн, Рехоб, Хаммон, Кана болон бүр Их Сидоныг хүртэл үргэлжилж байв.

²⁹Уг хилийн шугам Рама уруу чиглэн эргэж, мөн Тирийн бэхлэгдсэн хотод хүрээд, Хоса уруу эргэж, Ахзибын бүс нутаг дахь тэнгист ирж төгсөж байв.

³⁰Энд бас Умма, Афек, Рехоб зэрэг хорин хоёр хот нь тосгодтойгоо хамт байлаа.

³¹Эдгээр хотууд тосгодынхоо хамт Ашерын хөвгүүдийн овгийн, ургуудынх нь дагуух өв байлаа.

³²Зургаа дахь шавга ургуудынх нь дагуу Нафталийн хөвгүүдэд буув.

³³Тэдний хил нь Хелефээс Заананним дахь царс болон, Адами-некеб, Иабнеелээс эхлэн Лаккумд хүрч, Иордан дээр ирэн төгсөж байв.

³⁴Эндээс хил баруун тийш Азнот-табор уруу эргэж явсаар, Хуккок уруу үргэлжлэн, өмнө зүгт Зебулунд хүрч очин мөн баруун зүгт Ашерт хүрээд, зүүн зүгт Иорданы дэргэдэх Иудад[10] хүрсэн байлаа.

³⁵Бэхлэгдсэн хотууд нь Зиддим, Зер, Хаммат, Раккат, Хиннерет,

³⁶Адама, Рама, Хазор,

³⁷Кедеш, Едреи, Ен-хазор,

³⁸Иирон, Мигдал-ел, Хорем, Бет-анат, Бет-шемеш зэрэг арван есөн хот нь тосгодтойгоо хамт байлаа.

³⁹Эдгээр хотууд тосгодынхоо хамт Нафталийн хөвгүүдийн овгийн, ургуудынх нь дагуух өв байлаа.

⁴⁰Долоо дахь шавга ургуудынх нь дагуу Даны хөвгүүдийн овогт буув.

⁴¹Тэдний өвийн газар нутаг нь Зора, Ештаол, Ир-шемеш,

⁴²Шаалаббин, Аиалон, Итла,

⁴³Елон, Тимна, Екрон,

⁴⁴Елтеке, Гиббетон, Баалат,

⁴⁵Иехүд, Бене-берак, Гат-риммон,

⁴⁶Ме-иаркон, Раккон, Иоппагийн харалдаах бүс нутгийг хамарч байв.

⁴⁷Гэтэл Даны хөвгүүдийн нутаг нь тэднээс алдагдахад Даны хөвгүүд явж, Лешемтэй дайтан, түүнийг илдний ирээр цохин, эзлэн авсны дараа тэд эзэмшилээ болгож тэнд суурьшив. Тэд Лешемийг өөрсдийн өвөг эцэг Даны нэрээр Дан хэмээн нэрлэв.

⁴⁸Эдгээр хотууд тосгодынхоо хамт Даны хөвгүүдийн овгийн, ургуудынх нь дагуу өв нь байлаа.

⁴⁹Бүх газрыг хил хязгааруудаар нь хуваарилж дуусаад Израилийн хөвгүүд Нуны хүү Иошуад өөрсдийн дунд нэгэн өвийг өгөв.

⁵⁰ЭЗЭНий тушаалын дагуу тэд Иошуад өөрийнх нь хүсэн гуйсан Ефраимын ууланд орших Тимнат-сера хотыг өгсөнд, тэрээр хот босгон барьж, тэндээ суурьшив.

⁵¹Энэ газрууд нь Шилод, ЭЗЭНий өмнө, Хурлын майхны үүдэнд тахилч Елеазар нь Нуны хүү Иошуа болон Израилийн хөвгүүдийн овгийн ургийн тэргүүнүүдтэй хамт шавга[11] орхин хуваарилсан өв юм. Тийнхүү тэд газар нутгуудыг хувааж дуусав.