Read Ariun Bible 2013 – Ариун Библи 2013 2Тесалоник 3 Bible Online

2Тесалоник 3 - Ariun Bible 2013 – Ариун Библи 2013 bible

2Тесалоник 3

¹Эцэст нь ах дүү нар аа, Эзэний үг та нарын дунд ямар байсан шиг түргэн тарж, алдаршуулагдах болтугай гэж бидний төлөө залбир.

²Тэрчлэн буруу гажуу, хорон муу хүмүүсээс биднийг гэтэлгэхийн төлөө залбир. Учир нь итгэл нь бүгдэд байхгүй.

³Эзэн бол итгэмжит. Тэр та нарыг ёрын муугаас хамгаалан хүчтэй болгоно.

⁴Тушаасан болгоныг маань та нар хийж байгаа болон хийх ч болно гэж Эзэн дотор бид та нарт итгэдэг.

⁵Эзэн зүрхийг чинь Бурханы хайр ба Христийн тэвчээрт чиглүүлэх болтугай.

⁶Ах дүү нар аа, та нарын биднээс хүлээн авсан уламжлалын дагуу явдаггүй, залхууран амьдрагч ах дүү бүрээс хол байхыг [бидний] Эзэн Есүс Христийн нэрээр та нарт тушааж байна.

⁷Учир нь биднийг хэрхэн дуурайх ёстойг та нар өөрсдөө мэднэ. Бид та нарын дунд залхуу байгаагүй,

⁸мөн хэний ч талхнаас зүгээр идээгүй. Харин бид та нарын хэнд нь ч дарамт болохгүйн тулд өдөр шөнөгүй, зүдэл зүтгэл, дараа дарамттайгаар ажиллаж байлаа.

⁹Бидэнд эрх мэдэлгүйдээ бус, харин та нар биднийг дуурайг гэж өөрсдийгөө та нарт үлгэр дуурайл болгосон юм.

¹⁰Бид та нартай хамт байхдаа хүртэл “Хэн ажил хийхийг үл хүснэ, тэр нь бүү идэг” гэж тушаадаг байсан.

¹¹Учир нь та нарын дундаас зарим нь залхууран амьдарч, ажил огт хийхгүй, харин бусдын хэрэгт оролцож байна гэж сонслоо.

¹²Тийм хүмүүсийг дуугүй хөдөлмөрлөж, өөрийнхөө талхыг идэхийг Эзэн Есүс Христ дотор тушаан ятгаж байна.

¹³Харин ах дүү нар аа, та нар сайныг үйлдэхэд бүү цуц.

¹⁴Хэрэв хэн нэгэн нь энэ захидлын үгийг маань дагахгүй бол түүнийг онцлон анхаар. Ичээхийн тулд түүнтэй бүү нийл.

¹⁵Түүнийг дайсан мэт бүү үз, харин ах дүүгийн хувьд сануул.

¹⁶Амар амгалангийн Эзэн Өөрөө та нарт бүхий л аргаар үргэлж амар амгаланг соёрхог. Эзэн та бүгдтэй хамт байг.

¹⁷Энэ мэндчилгээг Паул би мутарлав. Энэ нь захидал бүрд тэмдэг болдог. Би ийнхүү бичдэг.

¹⁸Бидний Эзэн Есүс Христийн нигүүлсэл та бүгдтэй хамт байх болтугай.