Read Ateso Ageun 13 Bible Online

Ageun 13 - Ateso bible

Ageun 13

¹Konyou Aburam koMisiri, ŋes nepepe kakeberu ka lukejaas kaŋes kere: Lot da nepepe kaŋes, koloto ari naka Eŋalakimak.

² Abarit Aburam noi ibaren ka epuesa, ka esabu da.

³Kolot idiai konyou kari naka Eŋalakimak kodol Bet-el toma aibois nakolo ajai ewemake sek, kidiŋ Bet-el ka Ai;

⁴ Toma aibois naka etem lokolo esiauni ŋesi aiduk kiwone Aburam kaŋina ekiror loka EJAKAIT.

⁵Lot da loaupas nepepe ks Aburam, ajaas isipanin luka amerekekin ka luka ibaren ka iweman da.

⁶ Kodidiŋik kes akwap, mam epedoro aiboi nepepe: naarai epu iborokec mam apotu kopedosi aiboi nepepe.

⁷ Kojau eŋuŋet mama ejaas ikecokol luka Aburam ka ikecokok luka Lot. Ido eboiete Ekanaanit ka Eperisi kakwap kaŋin kapaarasia kaŋun.

⁸ Kotema Aburam Lot atiar, “Keŋaiŋait kinye eŋuŋet ajakut kidiŋika ka jo, ido mama ejaas ikecokokoka ka ikecokokokon; naarai kirai oni ikinacan

⁹ Mam akwap kere ejai akonyenekon? Keŋaiŋait, kogitar ijo kama ajai arai kinere ijo akan nakokediany, eoŋ da alosi nakoteten; arai kinere ijo akar nakoteten, eoŋ da alosi nakokediany.”

¹⁰ Kiteluo Lot akekonye, koanapuuton naka Yorodan kere, ajaas akip nuipu ŋiniibois. Koroko be EJAKAIT kemudiara Sodom ka Gomora, kosubite bala emanikor loka EJAKAIT ido kwape akwap nako Misiri ilosi Soar.

¹¹Kosodi koŋer Lot apuuror naka Yorodan kere; kidiar Lot kide: kotiakas kesi bonik.

¹² Kiboikir Aburam akwap naka Kanaan, ka Lot da kiboikin oreria luka apuuton kibubuk ewemake Sodom.

¹³ Konye keroko ituŋa luko Sodom koraa ikediakanarak noi kakonyen nuka EJAKAIT.

¹⁴ Kotema EJAKAIT Aburam, kedaut atiak kaLot atiar, “Kiteluo nati kwana akonikonye, kosesen ibwoi kaibois kanaijai, ari naka agolitomei k: eŋalakimak, kide ka to:

¹⁵ Naarai akwap kere naitei, kainakini jo, k: akoniwur aitodol ikar kere.

¹⁶ Ido etuluori aurikon kwape kapua nak: akwap; ido arai epedori ituŋanan aimar apua naka akwap, akoniwur da imarun.

¹⁷Konyou, kirimo akwap aojauke ka alalauke da; naarai kaina kini jo.”

¹⁸Kitobwot Aburam ewemake, kobu kiboikin oluan luk Mamure, luejaas toma Keburon, kodukok etem loka EJAKAIT ŋina.